Thaib hais tias lawv tau ua siab ntev thiab tawm tsam tom qab muaj xwm txheej hla ciam teb ua rau cov tub rog raug mob

Thaib teb hais tias lawv tau ua siab ntev thiab ua raws kev siv tiam lis los sib tham hais txog cov tub rog Thaib raug mob nyob ntawm ciam teb. Yog kev ua los sim cov lus cog tso tseg kev sib tua ntawm Khas Phus Chas.

Tuam ceeb Bangkok hais tias ; cov tub rog Khas Phus Chas hla txoj cai kev sib ntaus rog, vim kev sib cog lus nyuam qhuav cog lus tau 10 hnub xwb. Cov tub rog Khas Phus Chas tau tua phom loj hla ciam tuaj mus rau hauv lub xeev Ubon Ratchathani, ua rau cov tub rog Thaib raug mob. Tseem hwv Khas Phus Chas kuj hais tias ; cov hoob pob uas tawg los ntawm pawg khib nyiab, ua rau lawv cov tub rog raug mob 2 leeg thiab lawv tsis kam lees txog qhov tua phom hla ciam mus rau Thaib teb.  

Thaib tus pwm tsav txawv teb chaws hais tias cov tub rog Thaib tsis tau tua rov qab, lawv tsuas yog xav nrog cov Khas Phus Chas soj ntsuam txog yam uas tshwm sim xwb. Phnom Penh liam tias tej no yog xwm txheej tshwm sim xwb. Thaib teb thov kom txhob pub muaj cov xwm txheej li no tshwm sim ntxiv thiab los thov txim.

Lub pwm tsav tub rog Thaib hais tias : “Tus tub rog Thaib uas raug mob, raug xa mus kho nyob hauv tsev kho mob lawm. Lub qhov txhab ntawm sab caj npab sab xis, tsis ua teeb meem rau txoj sia.”