Txhawb Nqa Lub Neej

Teeb meem kev sib deev nyob Online hauv Is Ntos Nes Xias cov tsev kawm txheej siab, yog qhov txhawj xeeb

Default User Image
By Hmong Service, 14 May, 2026
us pwm tsav Heri Hermansyah ntawm cov tsev kawm txheej siab nyob Is Ntos Nes Xias teb hais tias “Cov teeb meem no raug tshaj tawm nyob hauv pab tub kawm kev tseev tsim, thiab tab tom raug soj ntsuam los ntawm cov neeg tiv thaiv thiab ua pauj kev phem hauv kev sib deev.”

Tej kev sib deev nyob Online uas tshwm sim hauv ib lub tsev kawm txheej siab nto npe nyob Is Ntos Nes Xias teb, yog hais txog cov ntxhais kawm ntawv thiab cov xib hwb qhia ntawv uas lawv yog poj niam. Muaj ib tug tub kawm tau tso duab liab qab thiab sau ntawv sib deev nyob hauv cov neeg sau ntawv sib tham, ces ua kev txhawj xeeb thoob lub teb chaws. Tus pwm tsav Heri Hermansyah ntawm cov tsev kawm txheej siab nyob Is Ntos Nes Xias teb, hauv lub nroog Depok uas nyob ntawm ntug tuam ceeb Jakarta hais tias : “Cov teeb meem no raug tshaj tawm nyob hauv pab tub kawm kev tseev tsim, thiab tab tom raug soj ntsuam los ntawm cov neeg tiv thaiv thiab ua pauj kev phem hauv kev sib deev.”

Tus kws lij choj ntawm cov neeg raug kev phem hais tias : “Tam sim muaj 20 tus ntxhais kawm ntawv thiab 7 tus poj niam xib hwb tau cev ntawv kom cov tub kawm uas lawv yog tub hluas 16 leej.” Tus kws lij choj hais ntxiv tias : “Kev ua phem li no uas tshwm sim nyob hauv Cyber thiab feem ntau yog siv tej lus sib deev uas twb tshwm sim los ib xyoos ntau lawm.” Cov kav xwm txuag kev ua phem rau cov poj niam nyob Is Ntos Nes Xias teb hais tias : “Cov teeb meem no tuaj yeem hais tau tias yog kev sib deev nyob hauv Cyber.”