Cov teb chaws As Xias feem coob hais txog kev loj hlob, mas yog qhov tsis zoo. Kos Lim Naj teb yog lub teb chaws kev yug los tshiab tsawg tshaj plaws hauv cov teb chaws ntawd. Thaib teb kuj ntsia pom qhov teeb meem ntawm kev loj hlob ib yam nkaus, ces ua rau cov tseem hwv yuav tsum rov xav txog kev txhim kho teb chaws. Xyoo 2023, tsoom pej xeem Thaib tsawg lawm ib npaug, vim cov me nyuam yug los tshiab tsawg heev nyob hauv 74 xyoos dhau los no. Xyoo 2023, pom tias muaj ntau lub teb chaws nyob As Xias cov pej xeem tsawg thiab kev yug los tsis txaus. Txawm li cas kuj xij, Thaib teb kuj tseem nyob deb ntawm txoj kev tau zoo, tab txawm tias Thaib teb yog lub teb chaws tim 2 uas muaj kev lag luam zoo tshaj nyob As Xias toob fab naj. Qhov tseeb tiag yuav tau xav txog kev yug los ntawm tsoom pej xeem, vim cov neeg laus muaj coob tuaj. Kom tau kev txhim kho thiab txhawb nqa kev si tw loj zuj zus nyob hauv tej pab neeg. Kev yug los tshiab thiab cov neeg laus muaj coob tuaj, ua rau Thaib teb pib txhawj xeeb, vim tsoom pej xeem 66 plhom leej yuav poob qis lawm ib nrab thaum yuav txog xyoo 2030. Xyoo no cov me nyuam yug los tshiab nyob Thaib teb tsawg tshaj plaws nyob hauv 74 xyoos dhau los. Tsawg dua 10 xyoo dhau los lawm 40 feem pua. Nov yog hais raws lub pwm tsav fab saib xyuas kev noj qab hauv huv tshaj tawm. Xyoo 2022, cov me nyuam yug los tshiab yog 408,085 leej, ces pom tau tias tus zauv ntawm kev yug los tshiab qis heev.
Cov kws tshaj lij Thaib tau taw qhia tias tsim nyog yuav muaj txoj cai kho kom zoo thiab sai, yog pib los ntawm kev hloov pauv neeg lub tswv yim hais txog muaj me nyuam coob. Vim kev muaj me nyuam coob kheev kheev ntsia pom tias yog teeb meem ntawm nyiaj txiag thiab ua teeb meem rau tib neeg kev loj hlob.
