Is Ntos Nes Xias teb nrhiav cov neeg Is Ntos Nes Xias uas nyob txawv teb chaws rov los txhawb nqa lawv txoj kev lag luam

Tseem hwv Is Ntos Nes Xias tab tom npaj nrhiav tsoom pej xeem Is Ntos Nes Xias uas mus ua hauj lwm nyob txawv teb chaws, thiab cov uas mus ua ntaub ntawv ua neeg txawv teb chaws lawm kom lawv rov qab mus Is Ntos Nes Xias teb. Tseem hwv Is Ntos Nes Xias xav kom lawv rov qab los txhim kho lub teb chaws, vim lawv mus ntau caum xyoo, lawv muaj nyiaj, muaj kev txawj ntse thiab txawj ntau yam nyob txawv teb chaws. Qhov teeb meem uas ua rau tsoom pej xeem Is Ntos Nes Xias feem coob khiav mus nyob txawv teb chaws, vim yog kev txom nyem ntawm tsev neeg thiab teeb meem kev lag luam uas tsis loj hlob nyob hauv lub teb chaws. Cov uas mus nyob txawv teb chaws lawv muaj kev txawj ntse ntau yam, ces yog sawv daws rov qab los raws li tseem hwv txoj kev tshawb nrhiav thiab los txhim kho lub teb chaws, mas yeej yuav zoo tuaj xwb. Vim cov teeb meem no, thiaj ua rau niaj xyoo muaj cov tub ntxhais hluas Is Ntos Nes Xias tau ntaub ntawv ua neeg Xees Cas Pos ntau txhiab leej. 

Yam uas rub cov neeg rov qab lawv lub siab, mas muaj cai ua ntau yam xws li tsoom pej xeem Is Ntos Nes Xias, tab sis tsis pub tawm suab xaiv tsa. Tus twg muaj kev lag luam zoo, nws tuaj yeem ua neeg txawv teb chaws thiab ua neeg Is Ntos Nes Xias tau.