Ib tug poj niam hnub nyoog 40-50 xyoo tuag nyob Npees Las Des teb, tom qab nws kis tus kab mob Nipah Virus. Raws kev tshaj tawm ntawm ntiaj teb lub Koom Haum kev noj qab haus huv (WHO). Hnub tim 21 lub 1 hlis xyoo no, nws pib muaj tej yam txawv, xws li ua kub ua no thiab mob taub hau. Ces ib lis piam tom qab nws tag sim neej. Qhov no tshwm sim nyob Npees Las Des teb, tom qab pom tias muaj 2 tus neeg mob nyob Is Ntias teb. Vim Is Ntias teb yog lub teb chaws nyob sib npuas ciam, tab sis tsis sib cuam tshuam. Tus poj niam uas tuag no nws tsis tau tawm rooj mus qhov twg, tab sis nws kheev kheev haus kua txiv date palm. Yog hom kua txiv ib txwm haus thiab muab los ntawm cov txab tawv txiv date palm uas hlais hauv lub caij ntuj no.
