New Delhi xav muaj thawj lub tsheb nqaj hlau Shinkansen khiav mus rau txawv teb chaws
Lub sij hawm mus tsham hauv lub 8 hli, Is Ntias thiab Zis Pees yuav sib cog lus hais txog tsheb nqaj hlau khiav ceev serie E10. Tab sis kev nqi peev thiab kev sib koom tes yuav tsum tos sab laj ua ntej lub rooj sab laj Quad hauv lub caij nploo ntoos zeeg.
Is Ntias tus thawj pwm tsav Modi yuav mus tsham Zis Pees teb rau lub 8 hli tom ntej no, kom tau lo lus tseeb hais txog tsheb nqaj hlau khiav ceev Shinkansen uas tawm tshiab, thiab tab tom tsim nyob Is Ntias teb.
Nov yog thawj tsab ntawv cog lus txawm teb chaws hais txog cov tsheb nqaj hlau no. Hom tsheb nqaj hlau tshiab East Japan Railway uas yog ib feem ntawm serie E10, xav tias yuav pib siv thauj neeg nyob Zis Pees teb hauv xyoo 2030. Tab sis Is Ntias yuav yog thawj lub teb chaws uas tau txais hom tsheb nqaj hlau no ib yam li nyob Zis Pees teb. Nov yog ib feem ntawm kev sib koom tes hais txog Tokyo thiab New Delhi, uas twb tau pib nyob hauv xyoo 2015 los lawm. Hauv thawj cov lus cog hais txog kev theej Technology tsheb nqaj ntawm txoj kev tsheb nqaj khiav ceev Mumbai mus txog Ahmedabad.
