Lub tswv yim tsim tawm kom tau nthuav kev ntseeg Phus Thas nyob Pus Taas (Bhutan)

Cov hauj sam nyob hauv Central Monastic Body, lawv muaj ib qhov kev sib tham tshiab (Chatbot), uas yog tsim tawm los teb tsoom pej xeem tej lug nug ua lus Aas Kiv. Qhov Technology tshiab no yog tsim tawm los ntawm cov neeg Zis Pees kev sib koom tes. Tam sim no tab tom siv nyob hauv lub caij sim 6 lub hlis thiab yuav muab los rau tsoom pej xeem siv nyob hauv xyoo 2027 nyob Pus Taas (Bhutan). 

Cov poj niam thiab txiv neej nyob hauv txhua txoj kev teev hawm, lawv nrhiav tej Technology tshiab kom tau pab lawv nthuav lawv txoj kev ntseeg. Ces cov hauj sam nyob hauv Central Monastic Body yuav tau kev nkag mus hauv BuddhaBot Plus, uas yog qhov chaw sib tham tshiab ntawm cov hauj sam sai sai no. 

Nws yog qhov chaw sib tham tshiab los yog Chatbot uas siv lub tswv yim tsim tawm. Ua los kom cov hauj sam tau teb tsoom pej xeem tej lus nug ua lus Aas Kiv nrog cov neeg teev hawm Phus Thas (Bhudda).

Cov hauj lwm no yog ib feem kev sib koom tes nrog CentralMonastic Body uas yog lub tsev kawm ntawv txheej siab nyob Tos Kis Yaus (Tokyo), thiab Teraverse nyob Zis Pees teb. Lawv tau sib cog lus txog cov hauj lwm no nyob Zis Pees teb lawm. Nyob hauv cov lus cog no, ob tog yuav ua hauj lwm ua kev kom tau sim siv BuddhaBot ua lus Aas Kiv. Tsim kom yooj yim siv rau cov hauj sam nyob Pus Taas thiab mam maj ua kom neeg txawj siv Chatbot.