Teeb meem ntawm ib nkawm nkauj nraug sib hlub nyob Hawv Nav (Henan), tab tom
nrov heev nyob hauv Suav li Social Media. Tom qab them nyiaj ntau ntau hais txog
yuav ib lub tsev uas tseem txhim tsis tau tiav. Nkawd muaj kev ntxhov siab thiab yws
yws txog ntau yam nyob hauv Video Social. Qhov kawg nkawd tau txiav txim siab rov
mus qub zos, nkawd ua raws txoj cai thiab saib lub ntiaj teb mus rau qhov zoo.
Liangliang thiab Lijun yog ib nkawm hluas nkauj hluas nraug. Nkawd nyob hauv lub
xeev Henan uas nyob nruab nrab hauv Suav teb, thiab nkawd nyiam tso hais txog
nkawd lub neej nyob hauv Social Media. Nkawd muaj kev cia siab txog ib tsoom neeg
thiab ua tej yam raug cai raws li ib zeej tsoom txoj kev cia siab. Nkawd sib yuav thiab
nkawd yuav ib lub tsev tshiab. Tab sis nkawd lub neej rov qab rov quav qees yam xav
tsis txog, vim lub tsev nkawd yuav yog ib lub tsev uas tseem txhim tsis tau tiav. Vim
nkawd li teeb meem, ces nkawd thiaj raug cov neeg txhim vaj tse ntaus thiab nkawd
qhov social raug kaw. Nkawm nkauj nraug nkawd txoj hmoov phem thiaj yog lub ntsiab
lus loj tshaj nyob Suav teb. Ua kom pom tias yog teeb meem loj kawg nyob hauv tsoom
pej xeem Suav. Nuj nqis, thiaj ua rau qhov kawg nkawd tawm ntawm txoj hauj lwm
nyob hauv lub nroog Ceej Tsaus (Zhengzhou), uas yog lub tuam ceeb hauv lub xeev
Hawv Nav (Henan). Tom qab nkawd qhov Social Media raug kaw, ces nkawd khiav
rov qab mus qub zos.
Mas Tshiam Xus (Ma Qian Zu) uas yog ib tug blogger sau tias : tus neeg nquag
tshaj, tus pej xeem uas ua raws txoj cai thiab saib lub ntiaj teb mus rau qhov zoo, tsis
tsim nyog tau txais Suav zaj npau suav. Tej lus hais yog muab rawv kev tseev tsim los
ntawm Xim Ceej Pheem uas hais los tau 10 xyoo, hais txog yuav ua kom lub teb
chaws vam meej thiab zoo tuaj.
