Kev ua luam raum yog txhaum cai : soj ntsuam kev raug liam ntawm ib lub tsev kho mob nyob Is Ntias
The Telegraph sau tias : lawv tau tshuaj xwm pom kev muab raum nyob hauv rakect. Tus neeg muag raum ntawd yog ib tug neeg Myanmar thiab ib lub tsev kho mob nyob hauv Nyus Des Lis yog lub yuav lub raum. Lub raum ntawd yuav coj mus hloov cog rau lwm tus neeg. Kev tshwm sim no tsis yog ib yam tshiab, tab txawm muaj kev qhuav qhia los ntau caum xyoo. Pib nyob hauv lub xeev Tamil Nadu. Tab sis tseem tsis tau muaj cov neeg muab raum thiab muaj neeg coob coob uas lawv xav hloov ib sab raum. Feem coob yog cov neeg pluag txom nyem uas lawv xav tau nyiaj mus them nuj nqis, ces lawv thiaj xav muab lawv lub raum muag. Kev muag raum nyob hauv Online kuj muaj tuaj ntau kawg nyob hauv ntau xyoo dhau los no. Raws kev soj ntsuam, cov pej xeem pluag txom nyem coob leej nyob Myanmar teb raug tshais chaw mus rau hauv lub tsev kho mob Apollo uas nyob Nyus Des Lis. Yog ib lub ntawm ob lub tsev kho mob nyob hauv tuam ceeb uas muaj lub Koom Haum Indraprastha Medical los yog (IMCL) ua tus tswv thiab tau txais nqi zog los ntawm kev xa raum tawm mus rau lwm tus neeg, thiab qee zaus kuj xa rau cov neeg txawv teb chaws.
Kev ua luam muag raum muaj nyob Is Ntias teb thiab Myanmar teb, tab sis tsis yog thawj zaug uas muaj nyob Is Ntias teb xwb. Cov neeg muag raum muaj tsis txaus cov neeg xav tau raum, vim niaj xyoo tsoom pej xeem Is Ntias muaj tshaj ib plhom leej uas lawv mob raum. Thiab muaj cov mob raum uas ze qhov tuag lawm li ntawm 200,000 leej.
Raws kev kwv yees mas muaj tsoom pej xeem Is Ntias uas mob raum li ntawm 10 feem pua xwb, uas lawv mus nrhiav kws tshuaj. Thiab tsoom pej xeem Is Ntias 20 feem pua tuag nyob hauv txhua txhia hnub ntawm kev tos hloov lawv lub raum. Xyoo 2022, muaj kev hloov raum 7,500 lub nyob thoob teb chaws Is Ntias.
