Lub caij Zis Pees teb npaj ua hmoov tsuj xeeb txwm 80 xyoo ntawm kev pov hoob pob tua lub nroog Hiroshima thiab Nagasaki. Cov tiam lis txheej siab nyob hauv lub teb chaws rov taij thov kom tso tseg kev siv hoob pob Nuclear ib zaug ntxiv. Cov lus no tau txais lub suab teb los ntawm hibakusha los yog cov neeg dim siav ciaj los ntawm kev pov hoob pob. Kev txhawb nqa los ntau caum xyoo, tsis ntev los no lawv thiaj tau txais qhov paj tshab Nos Npes ntawm kev thaj yeeb.
Hnub tim 28 lub 4 hlis no, Takeshi Iwaya uas yog Zis Pees tus pwm tsav txawv teb chaws tau thov kom cov teb chaws uas sib cog lus, txhob tsim hoob pob Nuclear lawm. Kom tsim kev sib koom tes ntawm cov teb chaws thiab daws kho kev sib tawg ua ntej yuav tsa lub rooj sab laj rov thim xav nyob hauv xyoo 2026.
Takeshi Iwaya hais nyob hauv lub Leej Haum Kuj nyob Nyus Yos. Nws hais txog txhua yam nyob ib puag ncig ntawm lub ntiaj teb uas tab tom piam sij zuj zus. Zis Pees yog tib lub teb chaws uas rau hoob pob Nuclear, thiab txhawb nqa kom txhob siv hoob pob Nuclear los lawm ntev. Thiab vam txog As Mes Lis Kas cov neeg tsim Nuclear ua kom muaj kev nyab xeeb.
Txoj kev xav no, raug xyav moo los ntawm cov neeg dim siav ciaj kev pov hoob pob. Tom qab Iwaya tsis kam koom lub rooj sab laj tawm tsam hoob pob nuclear hauv lub 3 hlis, thiab qhov tsim nyog hauv kev cheem tsis txhob siv hoob pob nuclear lawm.
