Heidi Kuhn coj cov lus ntawm kev thaj yeeb nyob Mias Mas mus rau cov tub ntxhais hluas lag ntseg nyob Mumbai

Tus neeg tawm tsam Kav Tos Liv uas yog neeg As Mes Lis Kas. Nws yog tus teeb tsa Roots of Pease uas yog lub Koom Haum tib neeg kev ncaj ncees hloov cov thaj tsam muaj hoob pob los ua kev ua liaj ua teb. Nws tab tom tawm rooj mus rau Is Ntias teb kom tau koom cov kab ke tsa nws ib tug phooj ywg ua Tswv Qhia, yog Tswv Qhia Stephen Fernande. Nws tau ntsib cov tub ntxhais kawm ntawv tuaj ntawm lub tsev kawm hwm Leej Ntshiab Stephen, uas yog cov lag ntseg thiab cov ruam. Nws koom nrog lawv cog paj ntshua nplaim dawb uas yog lub Cim. Hais txog ntawm nws, mas peb tuaj yeem rhuav tshem qhov ntsiag to thiab txhawb kom muaj kev hloov pauv tseem ceeb tau. Xyoo 1997 vim txoj kev ntseeg Kav Tos Liv thiab kev txhawj xeeb neeg lub meej mom, mas Kuhn thiaj tau teeb tsa lub Koom Haum Roots of Peace. Kom tau hloov pauv cov thaj tsam muaj hoob pob los ua teb txiv cawv. Muab tej chaw ua tsov rog hloov los ua chaw ua liaj ua teb. 

Kuhn hais tias : “Tom qab tau pom kev sib ntaus rog ua teeb meem rau cov me nyuam. Yog qhov kuv tau pom kiag ntawm qhov muag tias; tsov rog ua kom cov tub ntxhais hluas tsis hnov lus. Yog qhov txaus tu siab thiab tsis muaj leej twg quav ntsej txog.”