FAO hais tias tus nqi txhuv yuav siab heev nyob hauv 15 xyoos thiab As Xias teb tsis muaj txhuv txaus noj
Lub 8 hli xyoo no tus nqi txhuv nce siab kawg nyob hauv 15 xyoos tag los, ib yam li xyoo 2008 uas yog xyoo kev lag luam thiab ntiaj teb cov nyiaj txiag muaj teeb meem. Cov lus no FAO tshaj tawm lub lis piam tag los.
Tus nqi txhuv ntawm FAO nce siab 9 feem pua nyob hauv lub 8 hli xyoo no, thiab muab piv rau lub hlis ua ntej, mas pom tias tus nqi txhuv qis me ntsis nyob hauv xyoo 2022 uas yog tsaib no. Raws kev xav, mas pom tias xyoo no muaj qee lub teb chaws yuav tsis muaj mov txaus noj, vim txhuv noj muaj tsawg nyob thoob ntiaj teb. Yuav yog ib zaug ntiaj teb raug teeb meem tsis muaj mov txaus noj nyob hauv 20 xyoo dhau los. Vim huab cua pauv ntxeev sai thiab txawv txav, ces ua teeb meem rau kev ua liaj ua teb. Tsaib no Suav teb thiab Pas Kis Taas teb raug teeb meem loj kawg, ces ua rau tsis muaj mov txaus noj. FAO hais tias lub 3 hlis tsaib no txhuv noj tsawg lawm 24 feem pua, vim kev sib kis tus kab mob COVID-19, tsov rog nyob Us Khas Zis Nas teb thiab huab cua pauv ntxeev. Muaj qee yam txhiam xws noj nyob As Xias tseem tsis tau pom tus nqi nqes li, xws li nplej thiab piam thaj. Cov txhuv noj nyob thoob ntiaj teb 30 feem pua yog tuaj ntawm cov teb chaws As Xias toob fab naj tuaj. Cov txhuv noj uas xa mus thoob ntiaj teb 40 feem pua yog tuaj ntawm Is Ntias teb tuaj. Cov neeg yuav yog Is Ntias teb, Npees Las Des teb, As Las Npias Xaus Dis teb, Is Laas teb, Is Lav teb thiab Npes Nis teb. FAO hais tias ; tab txawm Is Ntias teb tso lus kheev thiab tsis muaj kev txwv lawm, tsis kav xav tias tus nqi txhuv yuav nqes me ntsis nyob rau lwm xyoo. Vim kev ncua zog hauv kev lag luam, yog los ntawm huab cua pauv ntxeev.
