Cov tub zog Mias Mas tawm tsam tus nqe zog tsis ncaj ncees thiab kev tsim txom

Cov neeg taij thov kev ncaj ncees hais tias cov tub zog Mias Mas coob kawg yuav tsum nyiaj tiv kev txom nyem ntawm tus nqi zog qiv heev, thiab kev ua hauj lwm phem hauv nyiaj tsis muaj nqis.

Ma Po Po hnub nyoog 27 xyoo, nws yog ib tug tub zog xaws khaub ncaws nyob hauv ib lub tuam tsev xaws khaub ncaws uas tus tswv yog neeg Kos Lim. Lub tsev xaws khaub ncaws ntawd nyob hauv thaj tsam Insein nyob Yaas Nkoos. 

Nws nroo nroo txog tus nqi zog uas nws tau txais tias qis heev. Nws ua hauj lwm txij 7 teev sawv ntxov mus txog 6 teev tsaus ntuj, nyob hauv kev ua hauj lwm uas sab kawg. Tus nqi zog uas nws tau txais yog 7,500 kyats, los yog 3 dos las ntau nyob hauv ib hnub. Hos hais txog tus nqi zog ua hauj lwm dhau caij, nws tau 1,200 Kyats. Nws muaj sij hawm so nruab hnub li 45 fiab xwb. Nws tsis muaj hnub so nruab lis piam li. Tab txawm lawv raug caij tsuj li no, tsis kav 1,000 tus tub zog uas nyob hauv lub tsev xaws khaub ncaws ntawd lawv tsis kav yws. Vim kev poob hauj lwm no yuav ua rau lawv tsis muaj hauj lwm ua hlo li. Muaj ib tug neeg thov kev ncaj ncees nyob hauv Shwe Pyithar uas tsis qhia npe, nws hais tias : cov tub zog feem coob raug quab yuam tiv kev txom nyem thiaj caij tsuj, ces yuav tsum cheem txog tej teeb meem no.