Nyob hauv ntau hnub dhau los no, lub tsev teev Ntuj uas zwm rau lub Cheeb Koom Txoos Mindat, hauv lub xeev Chin raug kev piam sij loj kawg.
Tswv Qhia Bo rov qab taij thov kev thaj yeeb dua. “Thov peb txhawb nqa cov neeg tsiv teb tsaws chaw, kom lawv los koom kev sib tham, tawm tsam kev tsis ncaj ncees.”
Tab txawm tias cov tub rog yuav ntaug zog, tsis kav kev siv dav hlau ya nruab ntug tua tej zej zog uas yog kev txhawb nqa los ntawm Lav Xias thiab Suav tseem muaj tsis tu ncua nyob hauv cov thaj tsam uas lawv txeeb tsis tau.
Ib yam li hauv lub xeev Kayah, cov neeg ntseeg Kav Tos Liv nyob Loikaw thiab Tswv Qhia Mons Celso Ba Shwe raug quab yuam kom khiav mus nyob deb lawv tej vaj tse, vim ntshai dav hlau tua hoob pob.
Hnub tim 10 lub 2 hlis no, tsab ntawv xov xwm Fides tshaj tias : cov tub rog tau siv dav hlau tua hoob pob ib thaj tsam ntxiv, yog lub xeev Chin uas nyob Mias Mas sab hnub poob. Ua rau lub tsev teev Ntuj Kav Tos Liv hwm Yes Xus lub siab nyob hauv lub nrog Mindat tau txais kev piam sij loj kawg. Lub tsev teev Ntuj no raug xaiv ua lub tuam tsev teev Ntuj loj nyob hauv lub lub Cheeb Koom Txoos tshiab nyob Mias Mas teb. Yog ib lub tsev teev Ntuj uas nto npe kawg thiab. Tau txais kev pom zoo los ntawm Vaj Qhia Fas Ntshis Kus thiab txhim tsa nyob hauv hnub tim 25 lub 1 hlis.
