Cov tub ceev xwm Khas Phus Chas ntes 13 tus neeg uas lawv xav txuag kev ntov xyoob ntoo nyob hauv lub pov txwv Kong

Tus txhais: Lis Maib

Lub pov txwv Kong yog lub pov txwv loj tshaj plaws nyob Khas Phus Chas teb, tab sis cov neeg nyob av loj yuav nkag mus hauv lub pov txwv, mas tsis yooj yim kiag. Cov tub hluas Khas Phus Chas thiab Zes Mas Nias tau sib koom tsa lub rooj sab laj ntau zaus los qhia txog kev piam sij ntawm txhua yam nyob ib puag ncig hauv lub pov txwv. Vim cov duab uas pom los ntawm hnub qub cuav, pom tias xyoob ntoo raug luaj ntov lawm ntau heev, yog cov hauj lwm ntawm cov tub rog nruab deg nyob hauv lub pov txwv Kong uas tsim nyog yuav daws kho.

Cov tub ceev xwm ntes thiab tso 13 tug tub hluas uas lawv xav txuag xyoob ntoo nyob hauv lub pov txwv, vim tsis ntev los no lawv sib sau kom muaj kev tawm tsam. Qhia kom tsoom pej xeem paub txog tus yam ntxwv nyob hauv lub pov txwv Kong. Lub pov txwv Kong yog lub pov txwv loj tshaj nyob Khas Phus Chas teb, tab sis cov pej xeem Khas Phus Chas feem coob tsis tau paub txog. Vim cov neeg Khas Phus Chas tsawg leej thiaj nkag mus tau thiab mus txog hauv lub pov txwv xwb. Tab sis tej xyoob ntoo hauv lub pov txwv raug luaj raug ntov ntau kawg. 

Cov sib sau tawm tsam, yog cov neeg nyob hauv pab neeg hu ua “Niam xyoob ntoo”. Lawv hnav tib co tsho zoo ib yam thiab lawv taij thov kom tseem hwv pab txuag lub pov txwv. Lawv tuav tej daim ntawv sau ua lus Khas Phus Chas thiab lus Aas Kiv hais tias “Hnub Chiv nyob hauv lub pov txwv Kong”. Cov tub ceev xwm tau ntes 13 tus neeg tawm tsam thiab ib tug neeg Zes Mas Nias nyob hauv Hnub Chiv.