Cov neeg Kos Lim Naj ploj 80 leej nyob hauv kev ntxias dag nyob Khas Phus Chas teb
Kos Lim Naj tus pwm tsav txawv teb chaws tshaj tawm hnub tim 14 lub 10 hli tias : Muaj cov neeg Kos Lim Naj 80 leej raug ntxias dag mus ua hauj lwm thiab ploj nyob Khas Phus Chas teb. Lub pwm tsav txawv teb chaws cov neeg hais tias : txij lub 1 hlis txog lub 8 hli xyoo no, muaj cov neeg Kos Lim Naj 330 leej ploj los yog raug kaw tom qab lawv nkag mus Khas Phus Chas teb. Lawv hais ntxiv tias : hauv lub 8 hli kev nyab xeeb ntawm 80 tus neeg tseem tsis tau raug soj ntsuam. Tam sim no lawv tab tom soj ntsuam tus zauv thiab tej ntaub ntawv ntawm cov tub ceev xwm hauv lub teb chaws, kom txhob muaj qhov sib tshooj hais txog kev ntes cov neeg Kos Lim Naj nyob Khas Phus Chas teb ntxiv. Vim nws txhab ntxiv 15 npaug hauv xyoo 2023.
Kos Lim Naj tus Txoov Tim Tswv Lee Jae Myun tshaj tawm hnub tim 14 lub 10 hli no tias : kev ntes neeg nyob Khas Phus Chas teb tsis ntev los no, ua kom cov neeg Kos Lim Naj muaj kev txhawj xeeb loj kawg. Thiab thov kom cov tseem hwv Khas Phus Chas nqis tes ua hauj lwm tam sid. Cov tseem hwv Kos Lim Naj yuav xa ib co neeg mus soj ntsuam nyob Khas Phus Chas teb rau hnub tim 15 lub 10 hli no. Hauv pab neeg yuav raug xa mus no, muaj tus lwm pwm tsav txawv teb chaws tim 2 ua tus coj.
