Cov Leej Phauj hloov cov me nyuam ntxhais lub neej, thiab txhawb nqa lawv tej zej zog nyob Is Ntias toob fab pej

Lub tsev CDI pib cov hauj lwm txhim kho, thiab lawv yog lub Koom Haum tsis zwm rau cov tseem hwv nyob hauv lub nroog Guwahati, lub xeev Assum uas nyob Is Ntias toob fab pej. Lawv lub hom phiaj muaj 2 yam, xws li ua kom cov me nyuam ntxhais raug tso pov tseg lub neej hloov, thiab txhawb nqa lawv tej zej zog.

CDI ua cov hauj lwm pab zej zog ntawm lub Koom Haum Missionary Sisters of Mary Help of Christians (MSMHC). Lawv ua cov hauj lwm txhim kho tib neeg, tshwj xeeb tshaj yog ua kom cov me nyuam ntxhais lub neej hloov mus. Lawv ua hauj lwm nyob hauv zej zog los tau 80 xyoo lawm.

Lub tsev CDI qhia ntawv pub dawb, xyaum hauj lwm dawb thiab qhia kev ua lub neej rau cov me nyuam ntxhais uas raug tso pov tseg tsis muaj neeg saib xyuas. Pab kom lawv dim ntawm kev pluag txom nyem thiab kev raug luag tej saib tsis taus. Tej kev qhia ntawv thiab kev xyaum hauj lwm uas CDI pab, yog rhuav tshem kev pluag txom nyem thiab kev raug luag saib tsis taus. Cov me nyuam ntxhais feem coob yog cov neeg toj siab, cov pluag txom nyem thiab cov ib txwm nyob txawm. Yog cov poj niam los cov ntxhais hluas uas lawv ntsib teeb meem kev pluag txom nyem, lawv tsis paub ntawv, los tej teeb meem uas cov laus raug quab yuam kom tso lawv tej ntxhais mus ua hauj lwm thiab raug tshais chaw mus nyob ze nroog yam tsis muaj kev tso siab. 

Ua rau sawv daws poob nyob hauv kev raug lwm tus neeg nrhiav noj, thiab feem coob poob nyob hauv kev ua luam neeg.