Saib xyuas peb lub tsev 4
Peb lub cuab tam los ntawm thoob khib nyiab los
Yog tias koj caum xov xwm qab, mas koj yeej tau hnov dua hais txog lub pov txwv roj hmab nyob hauv hiav txwv (Great Pacific Patch, Eastern Garbage Patch and Pacific Trash Vortex). Yog muaj nyob ntawm Has Vais thiab California nruab nrab.
Nyob ntawm qhov chaw huab cua kub nyob thiab sov nyob Pacific Pej.
Cov npe uas peb tau hnov txawv txawv no, yog khib nyiab nyob hauv hiav txwv xwb. Feem ntau yog roj hmab, tsis yog ib lub pov txwv nyob saum ntuj uas peb ntsia pom.
Yog tej yam me me uas sib faib nyob hauv hiav txwv ntau ntsua muag thiab kav tas 70,000 txog 15,000,000 square kilometers, nws loj thiab yog peb lub cuab tam.
Thoob khib nyiab uas nyob deb
Tib neeg cov khib nyiab los tau li cas ? 80 feem pua ntawm cov khib nyiab nyob hauv hiav txwv yog los ntawm av, 20 feem pua yog los ntawm cov nkoj niaj hnub khiav mus khiav los. Lub zog dej hiav txwv kiv mus kiv los ua voj voog, yog qhov chaw dej maj mam ntws zoo li rab teev. Thaum tej khib nyiab mus txog ntawd, mas tsis muaj chaw tawm, ces cov khib nyiab maj mam kiv nyob ntawd.
Cov pov txwv khib nyiab ntawd yog los ntawm hnab roj hmab 80 txog 90 feem pua, dua li cov mas yog tej nyuag txo tshuaj thiab lwm yam khib nyiab. Txhua yam khib nyiab puav leej yog ntws mus rau hauv hiav txwv, tej hwj roj hmab thiab hnab roj hmab mus rau lwm yam puav leej yog khib nyiab ntws mus rau hiav txwv. Vim li no yog qhov tseeb uas tas ntiaj teb neeg yuav tsum xav txog.
Cov khib nyiab uas nyob hauv hiav txwv nws yuav nyob mus li tsis txawj yaj thiab tawg sib faib ua tej daim me me mus txhua qhov thiab ua kom muaj kuab lom neeg.
Cov kws txuj tab tom tshawb fawb txog thaj chaw no thiab tuav xam txog cov pov txwv khib nyiab uas yuav ua rau neeg tau kev nrhiav noj nyob hauv hiav txwv. Lawv khaws cov khib nyiab roj hmab tau li ntawm 750,000 daim nyob hauv ib square kilometers. Cov khib nyiab roj hmab no ua txhiam xws noj rau noog thiab cov tsiaj nyob hauv hiav txwv thaj chaw ntawd.
Tus tsav nkoj Captain Charles Moore yog tus nrhiav pom thaj khib nyiab hauv lub hiav txwv Pacific, yog lub caij uas nws nrog lawv sib tw tsav nkoj Yach.
Txij ntawd los nws xav txog cov khib nyiab uas nyob hauv tej qhov chaw peb ntsia tsis pom, vim nws nyob ib thaj chaw deb heev. Ces kev saib xyuas thiab tu cov khib nyiab kom huv tsis tuaj yeem yuav tso rau ib lub teb chaws twg ua tau.
Midway Atoll
Ua kom koj tau pom thiab paub txog teeb meem khib nyiab hauv lub ntiaj teb no muaj tiag thiab ntau npaum cas, kev daws cov teeb meem no ua rau txhua yam muaj txoj sia nyob deb ntawm tib neeg tau li cas ? Thov koj mus saib nyob hauv Midway Atoll los sis hu ua Pihemanu.
Cov pov txwv no muaj dej nyob ib puag ncig vis tas ntau pua txhiab mile, txij ntawm As Xias mus txog As Mes Lis Kas Pej. Cov pov txwv no nyob deb heev uas koj yuav mus txog, nws yog tej noog dej thiab noog Albatross ntau plhom tus lub chaw nyob thiab yog cov pov txwv nyob ntsiag to.
The Worlds ntsia pom txog teeb meem ntawm cov khib nyiab roj hmab yog qhov loj dav thiab ua rau tej noog dej Albatross tuag lawm ntau txhiab tus. Nyob hauv cov neeg dej uas tuag ntawd lub plab, mas muaj ntau hom roj hmab nyob puv nkaus. Tab txawm cov noog dej ntawd tuag thiab lwj tas, tsis kav cov roj hmab yuav tsis lwj thiab tsis muaj leej twg mus kov txog.
Great Pacific Garbage Patch yog hais txog roj hmab 90 feem pua thiab dej tshoob cov khib nyiab mus rau tim tej ntug dej uas nyob hauv cov pov txwv Atoll. Cov noog dej Albatross pub roj hmab rau lawv cov me nyuam noj thiab lawv xaiv tsos. Xav tias cov noog dej Albatross pub roj hmab rau lawv cov me nyuam noj 1 xyoos yog 5,000 kg.
Ntxuav thiab tu peb tus kheej
Los txog ntu no, mas peb yuav xav tias peb yog hom tsiaj uas ntse tshaj tab sis peb ua teeb meem rau huab cua thiab txhua hom muaj txoj sia, uas nrog peb koom nyob ib lub ntuj. Muaj tseeb kawg, uas tib neeg tsis tau xav kom ua li ntawd.
Muaj ntau txoj kev daws teeb meem uas peb ua yuam kev thiab yooj yim hais txog kev tsis txhob pov khib nyiab rau hauv hiav txwv. Peb yeej xav txog cov teeb meem no ntau kawg, tab sis feem coob peb tsis tau ua yam tsim nyog ua kom tau daws cov teeb meem no tiag tiag.
Peb los ua yeeb yam, peb yuav rhuav tshem tej yam qias neeg uas niaj hnub muaj rau neeg li cas, vim niaj hnub tib neeg coob zuj zus tuaj, ces peb cov khib nyiab haj yam yuav ntau tuaj ib yam nkaus, peb yuav tsum nqis tes ua tam sim no.
Recycle koj cov khib nyiab roj hmab los yog rov siv dua, zoo dua qhov siv lawm es muab pov tseg. Txhua zaus koj pom hnab roj hmab, thov kom nco ntsoov tias roj hmab yog roj hmab tas mus li, cov hnab roj hmab koj siv niaj hnub no tseem muaj ntxiv mus. Tab txawm koj tuag ncaim lub ntiaj teb no mus ntev lawm, tsis kav cov hnab roj hmab koj siv ntawd tseem ua kuab lom neeg rau cov neeg nyob.
Nyeem The World Counts Stories thiab tshawb nrhiav yam uas koj tuaj yeem ua los pab txuag huab cua thiab txhua yam nyob ib pluag ncig peb. Koj yuav poob siab txog tias qhov yuav pab tau ntawd tsuas muaj me me xwb.
