Hnub tim 21 lub 11 hlis xyoo 1964 Vaj Qhia Paj Lug 6 tau hais cov zeem tseeb tias niam Mab Liab yog Koom Txoos leej niam, vim tias niam Mab Liab yog tus xeeb Koom Txoos lub taub hau uas yog Leej Pleev, thiab niam Mab Liab tseem yog tas tsoom neeg leej niam raws li Huab Tais Yes Xus tau hais rau Mab Liab tias ‘Niad, tus ntawd yog koj tus tub” (Z 19: 26). Yeeb vim li hais, mas lub Koom Txoos thiaj xaiv thawj hnub tom qab Hnub Tsib Caug los yog hnub Leej Ntuj Plig nqes los ua hnub nco txog niam Mab Liab, Koom Txoos leej niam.
