Kev tshaj lub Moo Zoo hauv Digital ntawm Sachin mus txog ntau txhiab leej neeg.

Tus tim khawv siab tawv, pub rau Yes Xus: kev tshaj lub Moo Zoo hauv Digital ntawm Sachin mus txog ntau txhiab leej neeg.

Social Media tau hloov ua qhov platform muaj zog hauv kev tshaj lub Moo Zoo. Ua kom cov neeg ntseeg txheej tshiab rau siab faib lawv txoj kev ntseeg rau cov neeg saib nyob thoob ntiaj teb. Ib tug nyob rau hauv, yog Sachin uas nws yog ib tug tub xov xwm neeg Is Ntias thiab yog tus pab tuav xam hais txog Social Media. Muaj neeg coob kawg raws nws nyob hauv X uas yav tag los yog Twitter, thiab Instagram. Muaj neeg raws nws hauv Twitter 184,000 leej thiab hauv Instagram 115,000 leej. Kev nrog Catholic Connect sib tham, Sachin tau hais txog nws tej kev paub thiab cov ntsiab lus tob. Nws tej xov xwm yog hais txog cov tub ntxhais hluas Kav Tos Liv nyob thoob ntiaj teb. Sachin uas nws yog neeg Kerala. Nws kawm ntawv tiav txheej siab thiab nws yog tus tsim Frassati Digital, uas yog lub khw nyob hauv Social Media. Thaum tham txog nws txoj hauj lwm, nws hais tias :

“Ua ntej yuav tsim Frassati Digital, kuv tau ua tub xov xwm thiab ua tus tsim content rau ib tug tswv Koom Haum uas nws sau xov xwm Kav Tos Liv. Tam sim no kuv kuj tseem ua ib tug tub xov xwm rau ib tug tswv sau xov xwm Kav Tos Liv thiab.” Tham txog qhov pib ua hauj lwm hauv kev ntseeg Kav Tos Liv, Sachin piav tias :

“Kuv siv Social Media txij thaum yau los lawm. Kuv ib txwm xav tias Social Media yog ib yam twj zoo heev hais txog kev xa Yes Xus lub Moo Zoo mus thoob ntiaj teb.”