Piav ntawv Ntshiab yooj yim los piav luv luv ntu 3.
Hauv kev sib tham zaum tas los, peb tau soj ntsuam pom cov ntawv nyob hauv lub txheej rau ntawv txheej ib, uas yog tsib phau ntawv nyob hauv ntawv Torah thiab txoj cai. Hnub no peb yuav los saib seb nyob hauv txheej 2 muaj dab tsi ? Txheej 2 no nws muaj cov ntawv keeb kwm 16 phau. Cov zaj uas peb pom nyob hauv cov phau ntawv no yog hais txog keeb kwm nyob hauv 1,200 xyoo los txog tiam 2, ua ntej Yes Xus yuav yug los. nyob hauv Ntawv Ntshiab hais tias : tas 12 lub xeem His Xas Lais lawv ua ke hla tus dej Yos Las Das thiab mus txog thaj av cog lus. Txij xyoo 1000 txog xyoo 1200, raws li lub caij nyoog uas sau tseg nyob hauv phau ntawv Txwj Laus Tiv Thaiv tias : “Tsis muaj kev kav teb chaws, tsis muaj vaj, lawv nyias ua raws nyias siab.”
Xas Xoos nrog cov Fis Lis Tis uas tuaj txeeb lawv tej av sib tua raws tus ntug dej hiav txwv Mes Des Tes Las Nes. Nws ntiab kom cov His Xas Lais mus nyob saum tej hauv roob. Muaj ib tug Txwj Laus Tiv Thaiv hu ua Kis Os, nws kuj nrog cov Mis Dias uas tuaj lwg cov His Xas Lais sib tua. Thaum xaus 2 tiam neeg hauv lub suab qw thiab tej kev kub ntxhov no lawm, Xas Muas uas yog tus Txwj Laus Tiv Thaiv tus kawg thiaj tshwm sim tuaj. Hais tau tias Xas Muas yog ib tug neeg tseem ceeb nyob hauv cov His Xas Lais tej liv xwm.
Lawv ntiab cov Xas Mas Lias thiab coj cov pej kum neeg tuaj nyob hauv lawv lub teb chaws thiab teev lawv cov dab. Li ntawd, thiaj muaj ntau txoj kev teev hawm nyob sib xyaws thiab ua rau kev ntseeg puas tsuaj. Vim li no cov Xas Mas Lias thiaj raug caij tsuj thiab tsis yog cov neeg dawb huv nyob ntawm cov Hais Nkws Tos lub ntsiab muag ntxiv mus. Tom qab uas Xas Mas Lias teb raug piam sij xyoo 721. Yes Lus Xas Les uas yog lub tuam ceeb nyob qab teb kuj raug cov Npas Npis Los uas muaj tus vaj Xes Nas Kis Lis ua tus coj kev ntaus rog xyoo 586. Cov Npas Npis Los tau ntiab tas tsoom pej xeem tawm mus, tsis hais cov neeg pluag, cov neeg laus, cov neeg mob, cov txawj ntawv, cov txiv neej thiab cov neeg txawj ntse uas yuav muaj txiaj ntsim qab hau rau Npas Npis Los. Cov His Xas Lais raug coj mus Npas Npis Los teb, lawv mus nyob txim txog xyoo 600 yuav luag tas. Ces Npas Npis Los kuj puas tsuaj thiab. Tus vaj Xes Nas Kis Lis nyob Paws Xias tau tuaj ntaus Npas Npis Los teb. Tab sis nws siab zoo, nws tso cov neeg raug txim mus nyob twj lij thiab tso lawv rov qab mus lawv teb chaws. Tas cov His Xas Lais uas yog cov xeeb ntxwv tau rov los nyob hauv lawv tej poj yawm txwv koob tej chaw.
Tam sim no peb los tham txog cov phau ntawv nyob hauv Ntawv Cog Lus Tshiab, uas nyob hauv Tswv Ntuj lub txheej rau ntawv ob, nws muaj 27 phau. Cov ntawv no tuaj yeem tso tau ua 3 txheej. Kwv tij Hmoob sawv daws ! Hnub no peb tham txog piav Ntawv Ntshiab yooj yooj yim los piav luv luv ntu 3 los xaus li no. Vam tias nej yuav khaws tau tej yam tseem ceeb rau hauv nej nruab siab. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug ! Peb mam sib ntsib dua, nej sawv daws nyob zoo !
