Paiv Ntawv Ntshiab yam yooj yim, Tim 4 lub 6 hlis 2026
Ntawv Ntshiab hauv lub teb chaws nyob txim.
Kev sib tham zaum tas los, peb tau pom nyob hauv tiam 7 yuav luag tas. Vim li cas cov haiv neeg thiaj pib sau tas lawv tej kab lis kev cai khiav los rau Yes Lus Xas Les ? Nyob hauv tej kev sib qhia thiab sau tseg nyob hauv ntaub ntawv. Nws muaj txhua yam ntawm txhua haiv neeg nyob His Xas Lais teb. Vim cov keeb kwm no, cov kws sau thiaj pib tsim tej zaj uas muaj lub ntsiab lus xws li yog tiag. Lawv muaj lub hom phiaj meej tseeb nyob hauv lawv nruab siab. Lawv xav kom txhua haiv neeg lees tias lawv yog ib pab neeg nyob hauv cov zaj no. Tab txawm tias tus vaj Yos Xias tuag lawm, tsis kav nws cov hauj lwm tseem muaj ntxiv mus, thiab cov kws sau lawv cov zaj tseem tsis tau tiav. 20 xyoo tom qab lub nroog Yes Lus Xas Les kuj raug kev piam sij loj kawg raws li keeb kwm. Xyoo 586 cov As Xis Lias tuaj txeeb lub nroog thiab lawv ua xws li ua rau cov neeg Xas Mas Lias. Tab sis kev piam sij zaum no tsis yog los ntawm cov As Xis Lias, nws yog los ntawm cov Npas Npis Los. Nas Npws Kos Dos Nos Xos tuaj ntaus lub nroog Yes Lus Xas Les, nws rhuav lub tsev teev Ntuj thiab ntiab cov neeg nyob ntawd khiav. Tsis yog cov neeg laus thiab cov neeg mob. Tab sis yog cov tub ntxhais hluas, cov neeg txawj ntse, cov kws kos duab, cov Leej Choj thiab cov muaj kev txawj ntse. Cov neeg raug ntiab yog qhov mob siab kawg, tab sis lawv zoo zog cov tsis raug ntiab. Qhov tiag cov raug ntiab yog cov neeg txheej siab thiab txawj ntse.
Kwv tij Hmoob sawv daws ! Hnub no peb tham txog Ntawv Ntshiab hauv lub teb chaws nyob txim los xaus li no xwb. Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.
Peb mam sib ntsib dua, nej sawv daws nyob zoo !
