Kev thoob tsib
Npes Xis Las 24:1-4+12-16
Kwv tij Hmoob, hnub no peb los tham txog phau ntawv Npes Xis Las. Nws yog ib phau ntawv zoo uas neeg qhuas kawg nyob hauv cov Yus Das tej kab lis kev cai. Thiab muaj neeg nyiam nyeem coob kawg nyob hauv lub Koom Txoos thawj pab neeg ntseeg. Npes Xis Las yog leej twg ? Nws yog tus neeg thoob tsib thiab paub txog kev ua lub neej nyob Yes Lus Xas Les hauv tiam 2 ua ntej Yes Xus yug los. Nws tau qhib tsev kawm ntawv nyob Yes Lus Xas Les, kom tau qhuab qhia cov tub ntxhais hluas lub tswv yim raws li cov His Xas Lais. Npes Xis Las yog neeg ntse thiab thaum peb hais txog kev thoob tsib nyob hauv Ntawv Ntshiab, mas peb tsis yog hais txog kev txawj ntse hauv tej kab lis kev cai, los yog kev txawj ntse fab Techniques, los yog hauv kev tshawb fawb. Tus neeg thoob tsib yog tus neeg coj tus yam ntxwv zoo thiab txawj xaiv kev ua lub neej. Vim li no tsis yog tias nyob His Xas Lais teb xwb, tab sis nyob thoob As Xias nrab txheej thaud, mas tsis muaj ib yam twg muaj nqis tshaj kev thoob tsib. Tus txawj tswj tus kheej txhua lub sij hawm, txawj tswj tus kheej hauv txhua yam xwv txheej xws li tus neeg ntse, mas nws yog neeg thoob tsib.
Kwv tij Hmoob sawv daws ! Hnub no peb tham txog Npes Xis Las los xaus li no xwb.
Nej yuav nco ntsoov thov kev thoob tsib ntawm Tswv Ntuj mog ! Vim kev thoob tsib pab kom peb txawj ua neeg ntse thiab txawj xaiv ua lub neej xis Tswv Ntuj siab. Nej txhob ntshaw kev ua lub neej ceev nyiaj thiab ceev kub tseg. Vim tej yam ntawd yuav ua kom nej plam Tswv Ntuj lub cuab tam. Nej yuav ntshaw kev thoob tsib, vim kev thoob tsib pab kom nej txawj ua Tswv Ntuj cov me nyuam. Lwm zaus peb mam sib ntsib dua, nej sawv daws nyob zoo !
