Tus Tswv Qhia nyob Pas Kis Taas tawm tswv yim hais txog kev thau duab sib yuav, kom tau txuag lub Koom Txoos lub meej mom.
Tus Tswv Qhia nyob Pas Kis Taas tawm tswv yim hais txog kev thau duab sib yuav, kom tau txuag lub Koom Txoos lub meej mom.
Tswv Qhia Benny Mario Travis ntawm lub Cheeb Koom Txoos Lahore nyob Pas Kis Taas teb, tau tawm tswv yim nruj kawg hais txog kev thau duab sib yuav hauv lub Koom Txoos tej chaw. Ua li no kom tau txuag lub meej mom thiab kev ntshiab huv ntawm lub Koom Txoos thiab lub Cim Ntshiab.
Tswv Qhia cov lus hais yog tiv kev thau cov duab tsis zoo hauv kev sib yuav. Nws hais tias kev thau duab kheev kheev hla lub meej mom hauv kev txais lub Cim Cog Lus. Tswv Qhia Travis tsab ntawv yog sau tawm hnub tim 10 lub 3 hlis 2026.
Nws tau hais txog cov Txiv Plig thiab cov neeg ntseeg nyob hauv lub Cheeb Koom Txoos tias : kom sawv daws hwm lub tsev teev Ntuj ua qhov chaw teev Tswv Ntuj tiag. Hauv nws cov lus sau tseg li no :
1. Pub thau duab hauv cov kab ke cog lus tau, tab sis yuav tsum xub tau txais lus kheev ntawm tus Txiv Plig saib lub tsev teev Ntuj ua ntej, kom txhob ua qhov chaw meem txom rau lub Txoos.
2. Thau duab nrog tus nraug vauv thiab nkauj nyab, tsev neeg thiab tej txheeb ze tau. Tab sis yog tom qab xaus lub Txoos thiab yuav tsum nyob hauv Txiv Plig txoj kev saib xyuas.
3. Thau duab ua npoj nyob ntawm lub rooj vag tsev teev Ntuj los yog hauv tsev teev Ntuj tau ib yam.
4. Kev thau duab hais txog sawv, zaum thiab lwm yam ntawd, txwv tu nrho nyob hauv tsev teev Ntuj thiab nyob ib puag ncig.
Tswv Qhia Travis tau txhib cov Txiv Plig thiab cov neeg ua hauj lwm kom ua zoo piav txoj cai no ua ntej sib yuav thiab hnub ua lub Cim Cog Lus, kom nkawm tub nyab ntxhais vauv thiab tsev neeg nkag siab txog qhov tseem ceeb ntawm kev txuag thiab hwm tej chaw ntshiab.
Txiv Plig Adnan Rasheed uas yog tus pab tus Txiv Plig saib lub tsev teev Ntuj hwm Leej Ntshiab Ignatius nyob Lahore pom zoo txog lub tswv yim no.
Nws hais rau RVA tias : “Cov kws thau duab thiab cov txheeb ze kheev kheev thau duab lub sij hawm tab tom teev Ntuj. Nws yog qhov meem txom rau Txiv Plig thiab nkawm sib yuav. Kev sawv thiab ua ntau yam thau duab nyob ntawm lub thaj txi Ntuj Ntshiab los yog hauv tsev teev Ntuj, nws yuav ua rau lub meej mom hauv lub Cim Ntshiab poob qis. Lub Cheeb Koom Txoos Lahore yog ib lub Cheeb Koom Txoos nyob hauv cov Cheeb Koom Txoos loj nyob Pas Kis Taas teb. Muaj cov tsev teev Ntuj, cov tsev kawm ntawv thiab muaj cov hauj lwm pab zej zog nyob thoob lub nroog thiab nyob ib puag ncig. Tej kev muaj feem cuam no tsis yog nyob hauv lub nroog xwb
