Tswv Qhia Vira Arpomdratana raug xaiv ua tus Tswv Qhia tshiab nyob Bangkok.
Vaj Qhia Fas Ntshis Kus tau tsa tus Tswv Qhia nyob hauv lub Cheeb Koom Txoos Chiangmai, uas nws muaj 69 xyoos. Kom nws ua tus Tswv Qhia tshiab hloov Tswv Qhia Kriengsak Kovithavanij uas nws tawm hauv lub Cheeb Koom Txoos Bangkok mus thaum lub 6 hli tsaib no lawm, vim nws lub hnub nyoog txwm 75 xyoos thiab raug so tsis ua Tswv Qhia kav Cheeb Koom Txoos raws lub Koom Txoos txoj cai. Tswv Qhia Vira yog neeg nyob hauv lub nroog Sumsaen, nyob Bangkok. Nws raug xaiv tsa ua Tswv Qhia xyoo 2009 los ntawm Vaj Qhia Npes Nes Dis tim 16. Nws yog tus coj cov neeg ntseeg nyob hauv Thaib teb lub tuam ceeb ua tus saib cov hauj lwm tiam lis ntau lub hlis dhau los.
Tswv Qhia Vira Arpondratana yog tus Tswv Qhia kav lub Cheeb Koom Txoos Chiangmai los txog tam sim no. Tsoom neeg ntseeg Kav Tos Liv tso siab rau nws, thiab nws lis cov hauj lwm fab tiam lis nyob hauv tuam ceeb Bangkok los tau ntau lub hlis. Lub Cheeb Koom Txoos Bangkok teeb tsa xyoo 1662. Muaj cov neeg teev hawm Phus Thas li ntawm 122,000 tawm leej nyob hauv 59 lub zos thiab nroog. Thiab muaj cov Txiv Plig li ntawm 240 leej nyob hauv tsoom pej xeem uas feem coob yog teev hawm Phus Thas. Tswv Qhia Vira Arpondratana yug hnub tim 3 lub 10 hli xyoo 1955 hauv lub nroog Sumsaen. Yog ib lub nroog qub kawg nyob Bangkok. Nws kawm ntawv tiav thiab kawm ua Leej Choj nyob Thaib teb.
