Puas yog hais txog peev nyiaj txiag, kom tau daws kho huab cua uas raug hais tshaj qhov muaj tseeb ?
Puas yog hais txog peev nyiaj txiag, kom tau daws kho huab cua uas raug hais tshaj qhov muaj tseeb ?
Cov kws tshawb fawb hais tias : cov teb chaws uas tab tom txhim kho kuj tab tom raug nyiag noj peev nyiaj txiag, uas npaj tos txais cov huab cua phem thiab dej hiav txwv nce siab tuaj. Yog hais tias cov zauv no xam yuam kev los yog raug ntxiv tus zauv ntawm cov neeg pab nyiaj. Lub tuam txhab peev nyiaj txhim kho nyob As Xias ADB tau hais tshaj qhov tseeb ntau dhau. Hais txog cov nyiaj uas npaj rau cov teb chaws pluag txom nyem, kom tau daws kho huab cua. Raws kev tshaj tawm ntawm lub Koom Haum pab nyiaj Oxfam hauv lub hlis no. Tab sis ADB tseem zeem tseeb txog tus zauv uas tshaj tawm. Lawv hais tias Oxfam tau siv txoj kev uas txawv kom cov hauj lwm tiav.
Kev tshaj tawm uas tseem ceeb hais tias : kev nqis peev ntawm cov teb chaws tsis cuam tshuam, tab sis qee zaus raug ntaus nqi tias yog peev nyiaj txiag uas yuav daws kho huab cua. Kom tau txhab tus zauv uas muaj pob nyiaj qiv ntau heev, tiag tiag mas yog pob nyiaj pab cuam. Nov yog qhov los ntawm peev nyiaj txiag qhov ntsia pom. Hais txog kev txhim kho huab cua thiab qhov laij thawj ntawm cov zauv no ua chaw sib cav heev kawg.
Cov teb chaws tab tom txhim kho, thov kom muaj kev nrhiav peev nyiaj txiag hloov pauv hauv kev pab cuam, los yog cov nyiaj qiv kom muaj paj tsawg. Kom covj paj qis dua thiab ncua ub sij hawm xa nyiaj rov qab ntev ua qub, thaum muab piv rau peev nyiaj txiag kev lag luam. Hais raws qhov tseeb cov teb chaws uas tab tom txhim kho tau txais peev nyiaj txiag kom hloov pauv 80 feem pua hauv cov nyiaj qiv txais, thiab 20 feem pua hauv cov nyiaj pab cuam.
Nov yog qhov uas cov teb chaws muaj kev txhim kho tsawg plam. Thaum muaj kev qiv nyiaj ntau tuaj, lwm cov teb chaws yuav tsum siv nyiaj ntau los ua peev nyiaj qiv. Tiag tiag tsim nyog yuav muab peev nyiaj coj mus siv rau kev noj qab haus huv, los yog txuag tsoom pej xeem. Kev siv cov nyiaj qiv ua thawj yam hauv kev nrhiav peev nyiaj txiag hloov pauv, yog kev tsis ncaj ncees loj kawg rau cov teb chaws uas ntsib teeb meem los ntawm huab cua pauv ntxeev.
