Lub Koom Haum Salesian cov hauj lwm nyob Hua Hin, tsuj xeeb txwm 100 xyoo nyob Thaib teb.
Lub Koom Haum Salesian cov hauj lwm nyob Hua Hin, tsuj xeeb txwm 100 xyoo nyob Thaib teb.
Lub lis piam tag los ua ntej yuav kaj ntug nyob ntawm ntug hiav txwv Hua Hin. Muaj 2,300 tus tub sib tw khiav tuaj sib sau ua ke nyob ntawm qhov chaw pib hauv lub tsev kawm ntawv txheej siab. Thaum lub hnub pib tawm tim npoo ntuj, mas cov tub sib tw khiav twb dhia los txog txoj kab lawm. Yog kev pib thawj kauj ruam tseem ceeb hauv liv xwm uas txwm 100 xyoo ntawm lub Koom Haum Salesian nyob Thaib teb. Kev sib twv khiav thawj zaug no, yog sib tw nyob hauv lub npe “Khiav rau 100 xyoo ntawm lub Koom Haum Salesian.” Yog kev npaj kom txhij rau lub Koom Haum txwm 100 xyoo hauv xyoo 2027. Kev tsuj xeeb no yog qhov nco txog lub Koom Haum pib cov hauj lwm hauv xyoo 1927. Yog thaum John Bosco thawj pab thwj tim tuaj txog lub xeev Ratchaburi, uas nyob sab hnub poob hauv tuam ceeb Bangkok. Lawv thiaj pib cov hauj lwm nyob ntawd. Muaj tsev kawm ntawv, tsev qhia kev txawj ntse thiab tsev qhia kev ntseeg. Ces lawv cov hauj lwm maj mam loj hlob mus thoob Salesian nyob Thaib teb, Khas Phus Chas teb thiab Los Tsuas teb.
