Leej Phauj siv kev kho raws kws kho mob thiab fab ntsuj plig los ua ke, kom tau kho tus kab mob siab.

Leej Phauj siv kev kho raws kws kho mob thiab fab ntsuj plig los ua ke, kom tau kho tus kab mob siab.

Hais txog cov xav tau kev saib xyuas los ntawm kev khuv leej cov neeg uas muaj kab mob siab. Leej Phauj Dolly Pudjowati rais ua lub teeb ci hauv kev cia siab.

Leej Phauj Dolly yog ib tug Leej Phauj nyob hauv pab tub tshaj lus pub dawb (MC), nws siv sij hawm ntau caum xyoo hauv kev kho mob thiab pab cov neeg daws teeb meem kev mob siab. Nws muab tej kev kho mob uas nws paub coj los siv xyaw fab ntsuj plig raws li cov neeg ntseeg.

Qhov uas ua rau Leej Phauj Dolly mus nyob hauv kev saib xyuas cov neeg mob siab, yog pib ntawm kev sib ntsib nyob hauv nws txiv lub chaw nres tsheb nyob Purwokerto, nyob Ntsas Vas nruab nrab. Yog qhov kev paub thiab pauv nws lub neej. Xav txog lub sij hawm ntawd, nws piav tias nws pom ib tug txiv neej mob siab nkaum nyob hauv lub tsheb Bus. Lwm tus neeg ntshai mus ze tus txiv neej ntawd. Leej Phauj Dolly cev tes mus tuav thiab coj mus rau qhov chaw nyob nyab xeeb.

Leej Phau saib xyuas nws mus txog thaum nws pib zoo zuj zus. Kev paub thiab qhov Dolly tau ntsib, ua rau nws xav tias yog qhov paj tshab ntawm Tswv Ntuj.

Qhov ntawd yog lub peev xwm hauv kev xyaum thiab kho cov neeg mob siab nyob hauv Griya Malaikat los yog House of Angels. Leej Phauj Dolly tau pab cov neeg mob siab los yog cov siab tsis tiaj tus coob leej kawg. Nws vam tias yuav pab kom cov neeg mob rov muaj meej mom thiab muaj lub neej yav tom ntej, nyob hauv nws txoj kev saib xyuas thiab kev kho ntawm kev sib pom dej siab.