Cov teeb liab ntsuab ua hmoov tsuj xeeb Yes Xus yug los hauv lub tsev teev Ntuj nyob Hom Cis Mees, ua chaw sib cav hauv lub teb chaws.
Cov teeb liab ntsuab ua hmoov tsuj xeeb Yes Xus yug los hauv lub tsev teev Ntuj nyob Hom Cis Mees, ua chaw sib cav hauv lub teb chaws.
Kev sib cav sib ceg muaj ceem kawg nyob hauv Nyab Laj qhov Social Media, hais txog kev nruab cov teeb liab ntsuab thiab ua tej yam zoo nkauj nyob hauv lub tsev teev Ntuj Notre-Dame, npaj ua hmoov tsuj xeeb Yes Xus yug los. Yog lub Cim hauv cov liv xwm, kab lis kev cai thiab kev ntseeg nyob Hom Cis Mees.
Kev sib cav yog hais txog qhov nruab cov teeb cig liab ntsuab 1,000 kis los mev, kom tau npaj ua hmoov tsuj xeeb Yes Xus yug los nyob hauv xyoo no. Nws ntau dua tsaib no lawm 2 npaug. Tab sis lub teb chaws tsom mus rau cov xeev nyob Nyab Laj nruab nrab, uas tsoom pej xeem tab tom raug kev kub ntxhov los ntawm dej nyab thiab raug khaub lig cua. Txij kev npau taws mus txog kev sau tej kab ntawv ntev ntev. Qhov no ua kom pom tias yog kev xaiv qhov ncaj ncees ntawm qhov yuam kev thiab qhov yog. Muab cov lus tawm tswv yim ntawm tsoom pej xeem faib ua ob fab lus sib txawv. Ib fab thuam tias yog kev nkim nyiaj txiag thiab ua kom raug qhov muag. Hos ib fab txuag tias yog kab ke hauv kev ntseeg thiab yog lub Cim ntawm kev cia siab.
Txawm li cas kuj xij, qhov tseeb tiag nws muaj ntau yam sib xyaws ntau dua kev sib cav dawb thiab dub. Cov lus tsis txaus siab uas tshwm sim nyob hauv Online ntawd, nws qhia txog neeg txoj kev chim thiab npau taws. Kev cia siab hauv tej kab lis kev cai, lub ntsiab ntawm kev ntseeg, qhov tseeb hauv peev nyiaj txiag thiab kev txhawj xeeb ntawm kev sib tham hauv digital. Qhov pom kev no tsis yog ua kom lub tuam tsev pom kev xwb, nws tseem yog qhov qhia zej zog tias ; kev tu siab thiab kev tsuj xeeb yuav nyob ua ke tau, yog thaum tau txais kev sib pom dej siab.
