25,000 tus neeg ntseeg mus sib sau nyob Los Mas, kom tau tsuj xeeb hnub ua hauj lwm pab dawb.
25,000 tus neeg ntseeg mus sib sau nyob Los Mas, kom tau tsuj xeeb hnub ua hauj lwm pab dawb.
Hmoob tsuj xeeb tseem ceeb zaum tim 5 no, yog kev sib sau ntawm NGO pab neeg thiab cov Koom Haum ua hauj lwm pub dawb nyob hauv 5 xeev ntuj uas sib txawv. Tom qab lawv mus teev Ntuj nyob ntawm lub tsev teev Ntuj hwm Leej Ntshiab Pob Zeb lub qhov rooj ntshiab. Cov neeg ntseeg yuav sib koom tham pem thiab sab laj txog txhua yam nyob thoob plaws lub nroog. Hnub Chiv no, Tswv Qhia Czerny yuav ua tus coj lub thaj txi Ntuj nyob hauv lub tshav puam hwm Leej Ntshiab Pob Zeb.
Muaj cov neeg ntseeg 25,000 leej tuaj ntawm 100 lub teb chaws tuaj sib sau nyob hauv Los Mas, hnub tim 8 thiab tim 9 lub 3 hlis no, kom tau ua hmoov tsuj xeeb zaum tim 5 ntawm kev ua hauj lwm pub dawb rau lub ntiaj teb neeg.
Muaj cov neeg ua hauj lwm pub dawb li ntawm 15,000 leej tuaj ntawm Is Tas Lias teb tuaj, thiab tej pawg tsawg tsawg uas tuaj ntawm lwm cov teb chaws tuaj. Xav tias yuav muaj 124 tus neeg tuaj ntawm Xyis Pas Yas teb tuaj, 123 tus neeg tuaj ntawm As Mes Lis Kas teb tuaj thiab 85 tus neeg tuaj ntawm Nplas Xis teb tuaj koom tsuj xeeb. Dhau no lawm, tseem muaj cov sawv cev ntawm Pos Kas teb, As Zees Tis Nas teb, Mev Xis Kos teb, Kos Loos Npias teb, Aus Thas Lias teb, Sis Lis teb, Es Kuas Dos teb thiab Is Ntias teb.
