Vaj Qhia hais lus rau lub Koom Haum Oblates tias : “Thov qhib siab kom dav rau cov neeg pluag txom nyem.”

Vaj Qhia hais lus rau lub Koom Haum Oblates tias : “Thov qhib siab kom dav rau cov neeg pluag txom nyem.” 

Vaj Qhia Leo 14 tau ntsib cov Txiv Plig hauv lub caij tsuj xeeb nco txog hnub teeb tsa ob lub Koom Haum. Xws li lub Koom Haum Oblates los yog OMI thiab lub Koom Haum Leej Phauj Peb Niam Cov Thwj Tim. Nws nco txog lub Koom Haum OMI cov liv xwm, uas yog teeb tsa nyob hauv xyoo 1816 los ntawm Leej Ntshiab Eugene de Mazenod (Aws Zes). Nyob hauv lub ntsiab lus tom qab Fas Kis teb tawm tsam. Vaj Qhia hais txog lawv kev ua lub neej nyob Aws Los Pas teb, As Fiv Kas teb thiab As Xias teb. Lawv pib tuaj txog Xis Laas Kas teb xyoo 1847. Vaj Qhia hais txog qhov paj tshab ntawm “tsev neeg tau txoj hmoov zoo thiab kab lis kev cai loj hlob.”

Nov yog qhov chaw ob lub Koom Haum sib koom ua ke, hauv cov hauj lwm tshaj lub Moo Zoo. Vaj Qhia hais txog cov Txiv Plig thiab cov Leej Phauj huv tib si. Nws txhib kom lawv muaj lub siab txuag tus ntsuj plig hauv tsev neeg thiab hlub luag tej. Yog tau txais lub zog txhawb siab los ntawm tus tsim lawv lub Koom Haum. Tus ntsuj plig uas yug los ntawm kev ntsib Tswv Ntuj hauv lub Cim Yug.

Vaj Qhia hais txog lo lus tseem ceeb uas Leej Ntshiab Aws Zes, tus tsim lub Koom Haum OMI hais tseg tias :

“Tswv Ntuj xa kuv tuaj, kom tau tshaj lub Moo Zoo rau cov neeg pluag txom nyem.”

Nws hais rau cov neeg tuaj sib koom hnub ntawd tias : “Nej yuav ua nej cov hauj lwm hauv kev qhib siab dav rau cov neeg pluag txom nyem li qub. Nej yuav tau txais qhov paj tshab muaj nqis hauv “tsev neeg muaj txoj hmoov zoo thiab tej kab lis kev cai loj hlob.”