Thov Ntuj saum lub nkoj tua rog. Cov tub rog Is Tas Lias ua tswv cuab npaj lub thaj txi Ntuj tsuj xeeb kev ua vaj txwm 50 xyoo nyob Thaib teb.
Thov Ntuj saum lub nkoj tua rog. Cov tub rog Is Tas Lias ua tswv cuab npaj lub thaj txi Ntuj tsuj xeeb kev ua vaj txwm 50 xyoo nyob Thaib teb.
Cov tub rog Is Tas Lias lub nkoj tua rog Antonio Marceglia nres nyob ntawm lub tshav nkoj CO, nyob Laem Chabang xeev Chonburi hauv Thaib teb. Zwm rau lub Cheeb Koom Txoos Chanthaburi uas yog ib feem hauv kev teev Ntuj nrhiav qhov tseeb nyob thoob ntiaj teb, kom tau tsuj xeeb kev ua vaj txwm 50 hauv xyoo 2025.
Tus tiam lis Is Tas Lias nyob Thaib teb tau npaj kev tsuj xeeb tshwj xeeb rau lub Cim Yug nyob saum lawv lub nkoj tua rog, kom tau tsuj xeeb hauv lub caij no.
Hauv lub thaj txi Ntuj muaj Tswv Qhia Peter Brian Well, uas yog tus sawv cev Vaj Qhia nyob Thaib teb ua tus coj. Muaj Txiv Plig Thammarat Ruanngam tus sawv cev lub Cheeb Koom Txoos Chanthaburi, koom nrog Txiv Plig John Wirach Amornpattana thiab tus Txiv Plig nyob nrog lub nkoj ua koom ua tswv cuab hauv lub thaj txi Ntuj. Tus tsav nkoj Alberto Bartolomeo yog tus npaj lub thaj txi Ntuj no. Muaj Paolo Dionisi tus tiam lis Is Tas Lias nyob Thaib teb koom nrog thiab.
Lub thaj txi Ntuj no ua rau cov neeg mus koom, yog cov neeg nto npe xwb. Vim muaj lwm cov tiam lis tub rog nyob Aws Los Pas thiab nyob As Xias, nrog rau cov thawj tub rog Thaib thiab cov nom sawv cev tseem hwv Thaib kuj mus koom coob leej.
