Qhov paj tshab Ramon Magsaysay 2024 : taij thov kev ncaj ncees rau cov neeg raug Agent Orange nyob Nyab Laj teb, kom ntiaj teb nrog nco.
Qhov paj tshab Ramon Magsaysay 2024 : taij thov kev ncaj ncees rau cov neeg raug Agent Orange nyob Nyab Laj teb, kom ntiaj teb nrog nco.
Ze ntawm ib nrab tiam neeg lawm uas tsov rog Nyab Laj tiaj tus. Tus kws txuj Nguyen Thi Ngoc Phuong tseem nco ntsoov tej kev mob siab hauv kev sib ntaus sib tua los ntev li 20 xyoo. Ua rau neeg tuag lawm 3 plhom 800 txhiab leej, thiab cov neeg tuag ib nrab ntau yog tsoom pej xeem.
Txij xyoo 1961 txog xyoo 1971, cov tub rog As Mes Lis Kas tau ua ntsuj rog tua Khes Mis yam ua heev ua tsiv thiab tua ntau hom tshuaj kom ntau hom nroj tsuag tuag. Qhov loj tshaj yog tua Agent Orange rau ib thaj tsam dav li 4 plhom 500 txhiab acres, kom tej xyoob ntoo tuag thiab tej liaj teb uas yog cov tub rog Nyab Laj qaum teb ua tu noob. Txawm li cas kuj xij, As Mes Lis Kas tsis lees txog qhov ntawd thiab tsis lees paub txog neeg kev tsim txom los ntawm kev tua Agent Orange nyob Nyab Laj teb. Tsis kav VAVA thov kom tseem hwv As Mes Lis Kas thiab cov Koom Haum tsim thiab muag Agent Orange lees txais tej kev puas tsuaj uas lawv tau ua. Kev sib ntaus sib tua no, thiaj ua rau muaj kev teeb tsa lub Koom Haum Nyab Laj pab cov neeg raug Agent Orange, Dioxin los yog VAVA uas zim txwv no muaj tus kws txuj Phuong ua tus lwm thawj tswj.
