Kev kawm thiab kev ntseeg pab kom cov tub ntxhais hluas Thaib nyob hauv zej zog dim ntawm kev pluag txom nyem.
Kev kawm thiab kev ntseeg pab kom cov tub ntxhais hluas Thaib nyob hauv zej zog dim ntawm kev pluag txom nyem.
Qhov ntsiag to hauv Ban Na, kev kawm ntawv tiav tsis yog kev pauv lub caij nyoog xwb. Tab sis yog kev yeej uas tau los nyuab hauv kev pluag txom nyem. Hauv cov tub kawm qib nrab 61 leeg, yog cov tau kawm tiav lub lis piam no. Nyob hauv lub tsev kawm ntawv Mala Sawan Pitak, muaj 6 leej tub kawm tau ua tawm tus piv txwv txog lub zog hauv kev ntseeg ruaj khov, thiab ‘kev muab siab rau sib saib xyuas.’
Cov tub kawm no yog tuaj ntawm ntau lub zos nyob thoob Thaib teb tuaj, nrog rau cov haiv neeg tsawg uas raug hnov qab. Yog cov uas kheev kheev raug ntiab mus nyob hauv tej chaw txom nyem fab kev kawm thiab lub teb chaws tej kev lag luam.
Cov Leej Phauj hauv lub Koom Haum hwm Yes Xus Lub Siab nyob Bangkok (SHB), tau ua qhov chaw ‘pom kev ntawm tib neeg kev ncaj ncees’ los ntev lawm. Lawv ntsia pom thiab pub txiaj ntsim qab hau rau cov tub ntxhais hluas uas raug hnov qab nyob Thaib teb. Kev ua hauj lwm hauv lub tsev Nas Xas Les, uas teeb nyob nrug deb ntawm Bangkok toob fab pej li 100 kis los mev. Cov Leej Phauj tau npaj chaw pw huv si rau cov me nyuam yug los nyob hauv tsev neeg pluag txom nyem. Lub tsev no tsis yog tias yog chaw nyob chaw pw xwb, nws tseem yog qhov chaw qhuab qhia nruj kawg. Yog qhov chaw Yes Xus tus ntsuj plig tau txais kev theej los ntawm cov txhiam xws, chaw pw thiab txoj kev mus txog lub meej mom hauv kev kawm.
