Cov Xib Hwb qhia Ntuj kev cai nyob Thaib teb cog lus yuav ua cov tub tshaj Ntuj lus ntawm kev tso siab.
Cov Xib Hwb qhia Ntuj kev cai nyob Thaib teb cog lus yuav ua cov tub tshaj Ntuj lus ntawm kev tso siab.
Cov Xib Hwb qhia Ntuj kev cai nyob Thaib teb cog lus yuav ua cov tub tshaj Ntuj lus ntawm kev tso siab, vim lawv tau kev txhawb siab los nawm Vaj Qhia tsab ntawv thiab lub Xyoo Ntshiab 2025 zaj hau lus. Yog li ntawd, cov Xib Hwb qhia Ntuj kev cai thiaj txais lub luag hauj lwm tshaj txoj kev ntseeg thiab kev tso siab kom mus thoob lub teb chaws ntxiv mus. Cov Xib Hwb qhia Ntuj kev cai tuaj ntawm 11 lub Cheeb Koom Txoos thiab Tuam Cheeb Koom Txoos nyob hauv Thaib teb, lawv cog lus tias lawv yuav ua tub tshaj Ntuj lus ntawm kev tso siab, kom tau teb Vaj Qhia Fas Ntshis Kus lo lus hu lawv thiab txais kev txhawb siab los ntawm lub Xyoo Ntshiab 2025 zaj hau lus hais tias “Cov neeg tawm rooj fiv Ntuj kev tso siab. Muaj cov neeg tuaj koom lub rooj sab laj no txog 500 leej; ib txhia yog cov Tswv Qhia, ib txhia yog cov Leej Choj, ib txhia yog cov Leej Qee thiab ib txhia yog cov Xib Hwb. Lub rooj sab laj cov Xib Hwb qhia Ntuj kev cai zaum no tsa nyob hauv hnub tim 13 txog 15 lub 10 hli nyob rau lub tsev txoos nco txog 7 tus Tim Khawv Thaib nyob Xoov Khoos, Tuam Cheeb Koom Txoos Thas Les – Noos Xees. Kev sab laj zaum no yog zaum tim 7. Lub rooj sab laj no yog lub Pwm Tsav qhia Ntuj kev cai nyob Thaib teb, zwm rau lub Rooj Tswv Qhia nyob Thaib teb ua tus tsa kom muaj. Lub hom phiaj yog pab txhawb cov Xib Hwb qhia Ntuj kev cai lub siab ntseeg kom ruaj khov, kom muaj kev sib haum xeeb, thiab kom lawv muaj lub tswv yim ua Xib Hwb tshaj Ntuj lus nyiam tsob hwb pawg ntseeg nyob thoob teb chaws.
