Cov Txiv Plig Fis Lis Pees thov kom Kav Tos Liv lub tsev kawm ntawv txheej siab tsim cov thawj coj uas muaj peev xwm tiv kev tsis ncaj ncees.
Cov Txiv Plig Fis Lis Pees thov kom Kav Tos Liv lub tsev kawm ntawv txheej siab tsim cov thawj coj uas muaj peev xwm tiv kev tsis ncaj ncees.
Cov thawj coj hauv kev ntseeg hais tias : cov neeg Fis Lis Pees yuav tsum tawm tsam kev tsis ncaj ncees uas yav tag los lawv swm lawm. Lawv thov kom lub tsev kawm ntawv txheej siab tsim cov thawj coj uas tawm tsam kev nyiag noj nyiaj, kev rhuav tshem txhua yam nyob ib puag ncig thiab cov zej zog uas ua kom muaj cov neeg pluag txom nyem. Tswv Qhia Alminaza hais nyob hauv Kav Tos Liv lub tsev kawm txheej siab lub rooj sab laj nyob Fis Lis Pees teb (ACUP). Nws hais tias qhov ua kom kev tsis ncaj ncees rais ua qhov xwm yeem, nws yog kev txhawj xeeb hauv kev tsis ncaj ncees phem tshaj rau zej zog. “Qhov txaus ntshai tshaj ntawd, yog thaum kev tsis ncaj ncees rais ua qhov neeg swm. Thaum kev piam sij rais ua qhov xwm yeem. Thaum neeg pib xav tias tsis muaj dab tsi yuav los hloov pauv tau.” Alminaza uas nws yog tus thawj coj ntawm Caritas Fis Lis Pees hais cov lus no. Lub rooj sab laj ntawm ACUP, tau hu tas cov thawj coj hauv Kav Tos Liv cov tsev kawm ntawv nyob thoob lub teb chaws tuaj, kom tau nco txog cov hauj lwm hauv lub tsev kawm txheej siab, kom lawv txawj tsim cov thawj coj uas muaj kev ncaj ncees thiab pab daws kev txhawj xeeb hauv zej zog.
