ZAJ NYEEM HNUB TIM 9 LUB 6 HLI 2026
HNUB NCO TXOG LEEJ NTSHIAB ES FES LEM
COV LUS NYOB HAUV MAS TAIS NTAWV MOO ZOO (MT 5: 13-16)
Kwv tij Hmoob, peb cov neeg ntseeg mas peb saib Huab Tais Yes Xus yog tus hlub peb tshaj plawv, nws zam txhaum rau peb tas mus li, nws qhia peb kom ua neeg zoo tsim txiaj. Dhau ntawm Huab Tais Yes Xus lawm, ntshai yog peb niam peb txiv. Dhau ntawd lawm, peb tig xav saib puas muaj leej twg ntxiv? Puas yog peb cov kwv tij txheeb ze, puas yog peb cov phooj ywg.
Nyob ntawm peb nej, puas muaj luag tej ntsia pom tias peb yog tus hlub lawv, yog tus hais lus zoo lus mos rau lawv, yog tus zam rau lawv thaum lawv ua txhaum, yog tus pab lawv thaum raug txom nyem?
Yog muaj neeg ntsia pom li ntawd ntau, txhais tau tias peb tau ua ntsev las lub ntiaj teb thiab ua qhov pom kev ci rau lub ntiaj teb raws li Huab Tais Yes Xus hais tiag. Tab sis yog tsis muaj leej twg xav txog peb li tias peb yog tus txawj hlub luag tej, txawj ua zoo rau luag, txawj pab cov neeg txom nyem, txawj zam txhaum rau lawv, mas ntshai nyob hauv peb lub neeg, peb tsis tau ua los yog ua tsawg tsawg zaus raws li Huab Tais Yes Xus qhia, ntshai peb ua zoo li lub teeb taws rau hauv qab txee xwb.
Hnub no, thov kom peb ua cov ntsev las lub ntiaj teb, ua lub teeb pub qhov pom kev rau cov nyob ib ncig mog. Nyob zoo sawv daws.
