ZAJ NYEEM HNUB TIM 5 LUB 8 HLI 2025
HNUB NCO TXOG LEEJ NTSHIAB TES LES XAS NYOB KAS KAUS TAS
COV LUS NYOB HAUV LUS KAS NTAWV MOO ZOO (LK 5: 33-39)
Kwv tij sawv daws, Huab Tais Yes Xus qhia meej tias daim ntaub tshiab yuav tsum ntxiv rau lub tsho tshiab, txhob muab coj mus ntxiv rau lub ntsho qub, vim yuav ua rau lub tsho qub yim ntuag loj. Huab Tais Yes Xus cov thwj tim yog cov lus cog tshiab, yuav tsum coj lub neej raws txoj cai tshiab ntawm Huab Tais Yes Xus. Lawv yuav tsis coj li qub. Txoj cai qub uas cov His Xas Lais ib txwm coj, lawv zoo li lub tsho qub, lub hnab tawv qub. Li ntawd, tsim nyog peb cov ntseeg yog haiv His Xas Lais tshiab, peb yuav coj lub neej tshiab raws Huab Tais Yes Xus.
Cov cawv tshiab thiaj yuav tsum ntim rau lub hnab tawv tshiab. Huab Tais Yes Xus cov thwj tim yuav taug txoj kev tshiab raws Huab Tais Yes Xus, kom xwv lawv tshaj txog Tswv Ntuj cov lus tshiab.
Peb ntseeg tias lub ntuj thaum ub thiab lub ntuj nyem no sib txawv, cov neeg coj sib txawv, kev nyob kev noj kuj zoo sib txawv, ib tiam neeg coj txawv ib tiam, yog li kev tshaj lub Moo Zoo kuj yuav tsum qhia mus kom haum nrog rau tiam neeg ntawd
Lo lus teb yuav yog lo lus tshiab, tiam sis lub ntsiab qub, zoo yam li lub Moo Zoo hnub no, thiab xyoo tas los yog tib zaj xwb, tiam sis nyiam muaj nyias lub sij hawm hais, yog tib lub ntsiab xwb, tiam sis nyias txhais mus kom haum nrog nyias lub sij hawm.
Nyob zoo sawv daws.
