ZAJ NYEEM HNUB TIM 4 LUB 4 HLIS 2025
HNUB RAU LIS PIAM 4 CAIJ PLAUB CAUG
(Z 7: 1-2, 10, 25-30)
Lub Moo Zoo hnub no piav txog cov Yus Das kev phem, lawv nrhiav kev muab Huab Tais Yes Xus tua vim Huab Tais Yes Xus tsis zoo li lawv. Cov Yus Das tsis to taub Huab Tais Yes Xus, lawv xav muab Huab Tais Yes Xus tshem mus.
Kwv tij, ntau zaus peb kuj ua zoo li cov Yus Das, peb tsis kub siab rau Huab Tais Yes Xus kev nyiam thiab hlub peb, peb tsis muab siab rau Huab Tais Yes Xus kev phooj ywg. Huab Tais Yes Xus xav nrog peb nyob tab sis peb tig nrob qaum rau.
Huab Tais Yes Xus muab tas nws lub neej los qhia peb tias tus tseem phooj ywg yog tus zoo li cas.
Tus tseem phooj ywg nws tsis tso nws tus phooj ywg pov tseg, nws nrog nraim nws tus phooj ywg, nws nthuav tes puag nws tus phooj ywg cia hauv nws xub pwg. Huab Tais Yes Xus ua li ntawd rau peb, txawm peb yog neeg muaj txhaum los nws tsis ntxub peb.
Caij Plaub Caug no, Tswv Ntuj hu peb los hloov siab tshiab, ntseeg txog Huab Tais Yes Xus, tso siab rau Huab Tais Yes Xus. Li ntawd, peb puas lees cia Huab Tais Yes Xus ua peb tus phooj ywg, thiab peb puas kam ua Huab Tais Yes Xus tus tseem phooj ywg.
