Zaj nyeem hnub tim 4 lub 2 hlis 2026
Hnub Plaub, Lis Piam 4 caij Nyob Nruab Xyoo
Cov lus nyob hauv Mas Kos Ntawv Moo Zoo (MK 6: 1-6)
Kwv tij sawv daws, peb yuav tsum xyaum tswj peb tus kheej thiab yuam peb lub siab, kom peb tiv yeej dab phem kev ntxias, peb yuav hla kom dhau tej kev txom nyem, vim nws yog ib qho kev sim siab, uas zoo li Tswv Ntuj rau txim rau peb thaum peb ua txhaum, los yog peb yuam kev, nws nplawm peb zoo li Leej Niam Leej Txiv nplawm nws tus me nyuam. Kom xwv peb taug nyob rau hauv Tswv Ntuj txoj hau kev uas nws tau npaj tseg rau peb, kom peb muaj zog thiab ruaj khov nyob rau hauv peb txoj kev ntseeg. Peb yim qaug yim ntog nyob hauv kev txhaum kev npam, Tswv Ntuj yim txhab zog ntxiv rau peb. Vim nws paub zoo tias neeg lub siab muag, neeg raug ntxias yooj yim.
Li ntawd, txawm tias peb ntsib kev txim nyem npaum li cas, tsis kav thov kom peb txhob tso Tswv Ntuj tseg mog, peb yim ntog, peb yim kub siab thov Ntuj ntxiv. Ces Tswv Ntuj yauv txhab zog rau peb thiab pab kom peb nrhiav tau kev yeej. Nyob zoo sawv daws.
