Zaj nyeem hnub tim 30 lub 3 hlis 2026
Hnub Ob, Lis Piam Ntshiab
Cov lus nyob hauv Zam Ntawv Moo Zoo (Z 12: 1-11)
Kwv tij sawv daws, thaum peb mloog zaj no tas, xav nug nej sawv daws tias, saib nej muab nej lub siab los yog muab lub tswv yim los fim nrog Tswv Ntuj. Yog tias nej muab nej lub tswv yim, los fim mas nej yuav muab lub sij hawm los xav txog kev khwj noj khwv haus thiab kev ua hauj lwm ib puas yam tsav, nrog rau tej hauj lwm tshaj Ntuj lus, uas yog lub luag hauj lwm txij li thaum peb txais lub Cim Ntxuav.
Hos yog nej muab nej lub siab lo fim, mas ntshe yuav muab txhua yam hauj lwm cia rau tom qab, ces nej yuav xav txav los nyob ze Huab Tais Yes Xus, tab yog yuav raug luag cem luag nyos tias, cast sis mus khwv noj khwv haus, mus pab cov neeg txom nyem. Zoo yam li zaj nyob rau hauv hnub no, uas Yus Das tau hnyos Mab Liab tias, cas tsis muab taub tshuaj tsw qab no coj mus muag, thiab muab nyiaj los pab cov neeg pluag. Zaj no Mab Liab tau ua ib tug piv txwv zoo rau peb, hais txog kev nrog Tswv Ntuj sib fim lawm.
Kwv tij sawv daws, peb hais li no, tsis tau qhia kom nej txhob ua hauj lwm. Hais txog hauj lwm mas peb yeej yuav niaj hnub ua, tiam sis, muaj qee lub sij hawm peb yuav tsum tig los nrog Tswv Ntuj sib fim, peb yuav tsum nrhiav tej lub sij hawm nyob ntsiag to los teev Ntuj thiab.
Nyob zoo sawv daws.
