Zaj nyeem hnub tim 3 lub 4 hlis 2026
Hnub Rau Ntshiab
Cov lus nyob hauv Zam Ntawv Moo Zoo (Z 18: 1-19: 42)
Kwv tij sawv daws, nyob rau hauv hnub no yog hnub Rau Ntshiab, yog zaj piav txog lawv ntes Yes Xus thiab coj nws mus tua dai saum Ntoo Cuam.
Huab Tais Yes Xus hlub neeg kawg kiag, nyob rau nws sim neej nws coj zoo thiab ua zoo, nws cawm cov neeg dig muag kom rov pom kev, cov tuag ceg kom rov mus taus kev, cov muaj mob kom rov zoo hlo. Tab sis, nyem no, qhov neeg pauj rau nws yog lub txim tuag.
Nyob rau hauv zaj no kuj ua rau peb pom tseeb txog tib neeg tus yam ntxwv tias, thaum Huab Tais zoo neej sawv daws nyiam nws thiab tuaj ntsauv nws, thov kom nws pab. Tiam sis, lub sij hawm thaum nws poob rau hauv kev txom nyem, poob rau hauv lub txim tuag, sawv daws ntshai thiab khiav tas. Tsis muaj ib tug yuav los cev tes pab nws, los yog nyob ib sab ua nws luag.
Tab yog Pob Zeb uas yog nws tus thwj tim zoo, thiab lees tias yuav tiv thaiv nws, tsis kav, nyem no, twb tsis lees paub nws.
Kwv tij sawv daws, txawm ua phem rau Huab Tais Yes Xus npaum twg, tsis kav, Huab Tais tseem hlub neeg kawg nkaus, txog qhov nws muab nws roj ntsha los ntxuav neeg kev txhaum. Tsis tas li ntawd, Huab Tais tseem muab nws Leej Niam rau peb, kom xwv pab peb kom peb tsis txhob yuam kev.
Li ntawd, peb thov ua Huab Tais Yes Xus tsaug.
Nyob zoo sawv daws.
