ZAJ NYEEM HNUB TIM 26 LUB 12 HLIS 2025
HNUB UA HMOOV LEEJ NTSHIAB TES FAS NOS
COV LUS NYOB HAUV MAS TAIS NTAWV MOO ZOO (MT 10: 17-22)
Nyob rau hauv hnub no yog hnub uas lub Koom Txoos cia peb hwm txog Leej Ntshiab Tes Fas Nos. Leej Ntshiab Tes Fas Nos yog ib tug tau ua tim khawv txog Huab Tais Leej Pleev. Uas peb yuav thaj txi tnuj hwm txog nws tom qab 3 hnub peb ua hmoov Yes Xus Yug Los tas. Vim nws yog ib tug Leej Tsob Hwb thiab yog ib tug tim khawv. Nws yog thawj tug neeg ntseeg uas tau muab nws txoj sia los ua tim khawv tiv thaiv txoj kev ntseeg. Lawv muab lawv txoj kev nyiam kev hlub thiab kev tso siab rau Tswv Ntuj los saib hlob, thiab lawv ua rau txoj kev ntseeg ruaj khov thiab muaj zog tuaj, lawv txaus siab muab lawv txoj sia los tiv thaiv txoj kev ntseeg, nyob rau lub zim txwv uas phem kawg nkaus. Tab sis, lawv muaj kev tso siab rau Ntuj thiab lawv ua kom tsoom neeg ntseeg sawv daws muaj kev tso siab rau Huab Tais Tswv Ntuj, tso siab rau Huab Tais Yes Xus Pleev.
Kwv tij sawv daws, peb yuav thov kom Leej Nstshiab Tes Fas Nos, pab txhawb peb lub zog, kom peb muaj lub siab ntseeg ruaj khov thiab ua tim khawv txog Tswv Ntuj txoj kev hlub neeg.
