Zaj nyeem hnub tim 26 lub 1 hlis 2026
Hnub nco txog Leej Ntshiab Tis Mos Tes thiab Tis Tos
Cov lus nyob hauv Lus Kas Ntawv Moo Zoo ((LK 10: 1-9)
Kwv tij sawv daws, nyob rau hauv lub Cim Ntxuav peb tsoom ntseeg sawv daws kuj zoo li Tswv Ntuj ib co leej choj, zoo yam li Leej Ntshiab Tis Mos Tes thiab Tis Tos nkawd. Peb kuj muaj feem nyob rau hauv Tswv Ntuj lub luag hauj lwm tshaj lub Moo Zoo no. Leej Ntshiab Paj Lug tau hais txog lub txiaj ntsim uas Tswv Ntuj tau pub rau peb nyob rau hauv peb lub Koom Txoos, tsis hais kev qhuab qhia, kev kawm los yog kev ua Tswv Ntuj cov tub txib.
Peb sawv daws, yuav tsum coj Tswv Ntuj lub Moo Zoo mus rau luag lwm leej lwm tus nyob rau hauv peb lub peev xwm uas yog Tswv Ntuj lub txiaj ntsim nws tau pub rau peb. Peb tsoom ntseeg sawv daws tsis hais poj niam los txiv neej, nyias yeej muaj nyias txoj hauj lwm ua, nyob rau hauv peb kev tshaj Ntuj Lus.
Thov kom peb kub siab ua Tswv Ntuj txoj hauj lwm ntxiv mus.
Nyob zoo sawv daws.
