Zaj nyeem hnub tim 25 lub 4 hlis 2026
Hnub ua hmoov Leej Ntshiab Mas Kos
Cov lus nyob hauv Mas Kos Ntawv Moo Zoo (MK 16: 15-20)
Kwv tij sawv daws, txawm tias Huab Tais Yes Xus mus saum Ntuj lawm, tsis kav, Huab Tais lub luag hauj lwm tshaj lub Moo Zoo thiab kev ua hwj huam kho cov neeg muaj mob nkeeg uas Huab Tais tau ua nyob teb chaws His Xas Lais 2000 xyoo dhau los tseem muaj tuaj txog peb niaj hnub nyem no, yog peb muaj lub siab ntseeg ruaj. Tsis tas li ntawd tseem yuav muaj tuaj ntxiv mus thiab ri mus txog txhua txhia haiv neeg mus kom thoob qab ntuj neeg sawv daws.
Txhua tsav puas yam yuav ua tau yuav tsum yog siv lub Koom Txoos thiab cov Tub Tshaj Ntuj Lus nrog rau tsoom ntseeg sawv daws sib pab.
Kev tshaj lub Moo Zoo uas zoo tshaj yog yuav tsum xub pib ntawm yus tus kheej ua ntej, yog yus coj zoo ua zoo, kom lub Huab Tais Yes Xus lo lus tshwm sim tuaj kho yus lub neej, ces luag lwm tus yuav pom qhov tseeb nyob rau hauv yus, ces luag thiaj yuav ntseeg txog peb tus Huab Tais Tswv Ntuj, ntseeg txog Huab Tais Yes Xus cov lus qhia.
Kwv tij sawv daws, thov kom peb kub siab tshaj lub Moo Zoo mog, thaum peb pom tej tug neeg muaj lub siab ntseeg mas peb yuav zoo siab pab lawv.
Nyob zoo.
