ZAJ NYEEM HNUB TIM 22 LUB 4 HLIS, HNUB OB LUB LIS PIAM 4 CAIJ HLA
COV LUS NYOB HAUV ZAM NTAWV MOO ZOO (Z 10: 1-10)
Kwv tij Hmoob sawv daws, lub Moo Zoo hnub no mas Huab Tais Yes Xus hais tseeb kawg tias tsuas muaj tib lub qhov rooj nkag tau mus hauv Tswv Ntuj lub Ceeb Tsheej xwb, zoo li lub qhov rooj chaws mus hauv lub tshav zaub mos. Yog vim li no mas tus neeg ntseeg txog Yes Xus, nws thiaj yuav chaws tau mus hauv Tswv Ntuj lub Ceeb Tsheej.
Tus ntseeg txog Yes Xus, tsis yog tus hais ntawm ncauj tias ‘kuv ntseeg’ xwb, nws lub siab yuav tsum ntseeg thiab tso siab rau Huab Tais Yes Xus coj nws kev, nws yuav ua lub neej mus raws li Huab Tais Yes Xus cov lus qhia; yam li nyiam Tswv Ntuj thiab nyiam lwm tus.
Yog vim li ntawd, Huab Tais Yes Xus thiaj qhia tas zog kom peb sis nyiam sis hlub, thiab coj lub Moo Zoo mus kom txog txhua tus neeg.
Nyob hauv lub Caij Hla thiaj yog lub zoo caij rau peb tshaj rau peb cov kwv tij neej tsa tias ‘Huab Tais Yes Xus tuag thiab sawv rov los. Huab Tais Yes Xus nce mus saum ntuj, mus npaj chaw rau peb.’
Peb ntseeg thiab mloog Huab Tais Yes Xus cov lus, mas peb thiaj yuav mus tau hauv Tswv Ntuj lub Ceeb Tsheej.
