Zaj nyeem hnub tim 21 lub 4 hlis 2026
Hnub nco txog Leej Ntshiab As Xes
Cov lus nyob hauv Zam Ntawv Moo Zoo (Z 6: 30-35)
Kwv tij sawv daws, Huab Tais Yes Xus qhia tias, yog peb xav tau txoj sia nyob mus li, mas peb yuav tsum muaj txoj kev ntseeg, yog leej twg tsis muaj lub siab ntseeg, nws yuav tsis tau txoj sia nyob mus li. Txoj kev ntseeg uas Huab Tais Yes Xus hais no yog ntseeg txog dab tsi ? Huab Tais Yes Xus hais tias, ua ntej tshaj plaws yuav tsum ntseeg txom nws cov lus qhia, tab txawm muaj qee yam txawm tsis tau tshwm tuaj tam sim no, tsis kav txhauv lo lo lus tawm ntawm Huab Tais lub ncauj los yeej yog lo lus tseeb. Qhov ob tuaj peb yuav tsum ntseeg tias, Huab Tais Leej Txiv yog tus xa nws Leej Tub Yes Xus tuaj cawm peb, kom peb dim ntawm txoj kev phem kev tsaus Ntuj. Qhov peb tuaj yog leej twg ntseeg thiab tso siab rau Huab Tais Yes Xus, thiab txais Huab Tais cov mov pub txoj sia, yug peb tus ntsuj plig mas peb yuav dim. Li ntawd, peb tsoom ntseeg thiaj niaj hnub nyeem phau ntawv ntshiab uas yog Huab Tais lub Moo Zoo, kom xwv txhob tso Huab Tais cov pov tseg, kom peb muaj txoj kev ntseeg ruaj nyob hauv Huab Tais Yes Xus tas mus li. Peb niaj hnub kho peb lub neej mus taug Huab Tais txoj kev, coj raws li lub Moo Zoo qhia peb, yog peb ua li no peb ntseeg tias, ib hnub twg peb yuav tau mus nrog Huab Tais Yes Xus nyob pem nws lub Ceeb Tsheej xwb..
Nyob zoo.
