ZAJ NYEEM HNUB TIM 21 LUB 2 HLIS 2024
HNUB UA HMOOV LEEJ NTSHIAB POB ZEB LUB ROOJ
COV LUS NYOB HAUV MAS TAIS MOO ZOO (MT 16: 13-19)
Kwv tij Hmoob sawv daws, hnub no lub Koom Txoos ua hmoov cav txog Leej Ntshiab Pob Zeb lub rooj los yog lub tog zau ua Vaj Qhia. Lub ntsiab mas yog lub Koom Txoos xav ua kab ken co txog tias thaud Huab Tais Yes Xus tau tsa Pob Zeb ua tus saib Huab Tais Yes Xus lub Koom Txoos nyob ntiaj teb no raws li cov lus peb tau hnov hauv lub Moo Zoo hnub no; yog Huab Tais Yes Xus hais tias “Xis Moos, txij hnub no mus koj yuav yog Pob Zeb, koj yuav tuav Ntuj lub Ceeb Tsheej cov yawm sij. Koj khi yam twg thiab koj daws yam twg nyob hauv ntiaj teb, mas Ntuj yuav khi thiab daws yam ntawd nyob saum ntuj.”
Hnub no, thaum peb ua hmoov, mas peb thiaj yuav nco tias tus Hauv Paus Xa Lus Pob Zeb yog tus saib xyuas lub Koom Txoos, nws yog thawj tug Vaj Qhia, ces txij Leej Ntshiab Pob Zeb los mus, mas thiaj muaj coob tus neeg ntseeg tau sawv Pob Zeb chaw ua Vaj Qhia saib lub Koom Txoos tsis tu ncua los txog niaj hnub no.
Vim Huab Tais Yes Xus tsa Pob Zeb ua Vaj Qhia, ces peb cov neeg pheej xeeb rau lub Koom Txoos Kav Tos Liv tim Los Mas thiaj hwm Vaj Qhia thiab mloog Vaj Qhia lus.
Nyob zoo sawv daws.
