Zaj nyeem hnub tim 21 lub 2 hlis 2026
Hnub nco txog Leej Ntshiab Das Mis As Nos
Cov lus nyob hauv Lus Kas Ntawv Moo Zoo (LK 5:27-32)
Kwv tij sawv daws, lub hom phiaj uas Huab Tais Yes Xus tuaj hauv lub ntiaj teb no yog tuaj nyob ze cov neeg txhaum, kom tau pab rub lawv tawm hauv kev phem kev tsis zoo. Tiam sis, cov Fas Lis Xais lawv tsis xyuas qhov tseeb lawv ntaus nqi tias, Huab Tais Yes Xus tuaj nyob ze cov neeg txhaum, mas Huab Tais kuj yog neeg muaj txhaum thiab. Huab Tais Yes Xus qhia kom lawv to taub tias, cov Fas Lis Xais thiaj yog neeg txhaum tiag, lawv muaj mob sab ntsuj plig, lawv nrhiav tsis tau kev dim, vim lawv lub siab dig muag, tsim nyog lawv yuav los nrhiav Huab Tais Yes Xus kom tau cawm lawv. Cov Fas Lis Xais muaj hmoo uas tau yug los rau Huab Tais Yes Xus tiam neeg, thiab tau pom Tswv Ntuj Leej Tub Yes Xus, tiam sis, lawv zoo li ib co neeg dig muag, lawv tsis pom txog Huab Tais Yes Xus kev cawm neeg thiab kho neeg.
Kwv tij yog li no, nej thiab peb muaj txoj kev ntseeg txog Huab Tais Yes Xus, nej puas kam cia Huab Tais Yes Xus kho nej tej siab ntsws, lub caij Plaub Caug no yog lub caij peb yuav tsum kho peb lub siab ntsws kom zoo, kom huv, nej puas kam cia Huab Tais Yes Xus tuaj kho nej.
