Zaj nyeem hnub tim 20 lub 4 hlis 2026
Hnub Ob, Lis Piam 3 caij Hla
Cov lus nyob hauv Zam Ntawv Moo Zoo (Z 6: 22-29)
Kwv tij sawv daws, nyob rau hauv zaj no, peb pom hais tias, ntau zaus Huab Tais Yes Xus tsis yog qhia txog kev sib nyiam sib hlub, thiab coj zoo ua zoo xwb, tiam sis, Huab Tais tseem qhia txog qhov tob tshaj ntawd thiab, uas yog hais txog cov mov pub txoj sia. Cov thwj tim hnov Huab Tais Yes Xus hais ntau zaus txog cov mov pub txoj sia, tiam sis lawv tsis to taub, vim nws yog qhov tob dua lawv lub tsim yim yuav txais tau, Huab Tais hais txog Huab Tais tus kheej uas yog cov mov pub txoj sia nyob mus li rau peb. Nyem no peb paub lawm hais tias, cov mov pub txoj sia yog lub Cim Yug thiab Huab Tais cov lus qhia, uas peb niaj hnub txais nyob rau Hnub Chiv. Txoj kev nyiam kev hlub ntawm Huab Tais Yes Xus thiab tsoom neeg ntseeg tseem zoo li puag thaum ub tsis muaj hnub ploj, tab txawm lub sij hawm dhau los tau 2020 xyoo no lawm, tiam sis, peb tseem ua tej kab ke nco txog Huab Tais Yes Xus, thiab peb ntseeg tias nws nrog peb nyob nraim tsis tu ncua. Qhov no thiaj yog lub ntsiab hauv txoj sia nyob mus li, uas peb yuav nyob nrog Huab Tais Yes Xus mus tiam dhau tiam, peb yuav muaj txoj sia nyob hauv Huab Tais Yes Xus mu sib txhiab ib txhis.
Nyob zoo sawv daws.
